شەتەلدىك اۆتوكولىكتەردى زاڭداستىرۋ ءتارتىبى ءتۇسىندىرىلدى

اباي بلىستىق پد پروتسەسسينگتىك ورتالىعىنىڭ باستىعى ەرمۇقان ماقپۇنوۆ بۇگىنگى بريفينگىندە زاڭداستىرۋ ەرەجەلەرى 2023 جىلدىڭ 1 شىلدەسىنە دەيىن جۇرگىزىلەتىنىن ايتتى.- كورسەتىلگەن ەرەجەلەردە اۆتوكولىكتەردى زاڭداستىرۋدىڭ ناقتى كريتەريلەرى بەلگىلەنگەن. ءبىرىنشىسى – اۆتوكولىك ەلگە 2022 جىلعى 1 قىركۇيەككە دەيىن اكەلىنۋى ءتيىس, ەكىنشىسى - ىزدەۋدە بولماۋى, ءۇشىنشىسى - باسقا مەملەكەتتە ەسەپتەن شىعارىلۋى, ءتورتىنشىسى - كەدەندىك تازارتۋدان ءوتۋى كەرەك. ەرەجەلەر 2023 جىلدىڭ 1 شىلدەسىنە دەيىن قولدانىلادى. ەرەجەلەر سالماعى 5 تونناعا دەيىنگى اۆتوكولىكتەرگە, 3,5 تونناعا دەيىنگى شاعىن جۇك اۆتوكولىكتەرىنە, ونىڭ ىشىندە باسقارۋ ورگاندارى وڭ جاقتا ورنالاسقان اۆتوكولىكتەرگە قاتىستى, - دەپ اتاپ ءوتتى ە. ماقپۇنوۆ.

زاڭداستىرۋعا ءوتىنىشتى «ەلەكتروندىق ۇكىمەت» پورتالى ارقىلى نەمەسە مامانداندىرىلعان حقكو-عا جەكە جۇگىنۋ ارقىلى بەرۋگە بولادى. وندا تەك كولىك قۇرالدارىن زاڭداستىرۋعا قۇجاتتار قابىلدايتىن سەكتورلار جۇمىس ىستەيدى. سونىمەن قاتار, وندا زاڭداستىرۋ ەرەجەلەرىن تۇسىندىرەتىن اكىمشىلىك پوليتسيا قىزمەتكەرى بولادى. وزىڭىزبەن بىرگە - ءوتىنىش, جەكە كۋالىك, اۆتوكولىك پاسپورتى نەمەسە تىركەۋ تۋرالى كۋالىك, سونداي-اق مەنشىك قۇقىعىن راستايتىن قۇجات بولۋى قاجەت.زاڭداستىرۋ تۋرالى شەشىم ەكى كۇن ىشىندە قابىلدانادى. - ەكى كۇن ىشىندە پوليتسيا اۆتوكولىكتىڭ زاڭ تالاپتارىنا سايكەستىگىن تەكسەرەدى. ەگەر بازادا اۆتوكولىكتى اكەلۋ تۋرالى مالىمەتتەر بولماسا, كۇنى ساقتاندىرۋ ءپوليسىن ەڭ ءبىرىنشى راسىمدەۋ كۇنى بويىنشا ايقىندالاتىن بولادى. سونداي-اق, اۆتوكولىك ينتەرپول, ەاەو جانە تاعى باسقا بازالارى بويىنشا تەكسەرىلەدى. ەگەر اۆتوكولىك تەكسەرۋدەن وتسە, ءوتىنىش بەرۋشىنىڭ تەلەفونىنا وڭ ناتيجە تۋرالى حابارلاما كەلەدى, - دەپ اتاپ ءوتتى ە. ماقپۇنوۆ.زاڭداستىرۋ كەزىندەگى نەگىزگى تولەم – 200 مىڭ تەڭگەنى قۇرايتىن باستاپقى تىركەۋ الىمى. سونىمەن قاتار مەملەكەتتىك نومىرگە 9660 تەڭگە جانە تەحپاسپورت ءۇشىن 4313 مىڭ تەڭگە تولەنەدى. وسىدان كەيىن ءوتىنىش يەسى تىركەۋ قۇجاتتارىن جانە قر مەملەكەتتىك ءنومىرىن الادى. ايتا كەتۋ كەرەك, شەتەلدىك ەسەپكە الىنعان اۆتوكولىكتەردى زاڭداستىرۋ – بۇل ءبىر رەتتىك اكتسيا.