ءۇش جىل ىشىندە ەلوردالىق ميب ورتالىعى 500-دەن استام قوعامدىق تىڭداۋلار, جينالىستار وتكىزىپ, قالا تۇرعىندارىن تۇرعىن ءۇي-كوممۋنالدىق شارۋاشىلىق جانە تۇرعىن ءۇي مۇلكىن باسقارۋ ماسەلەلەرىن شەشۋگە جۇمىلدىردى, دەپ حابارلايدى Egemen.kz استانا اكىمدىگىنە سىلتەمە جاساپ.
ازاماتتىق باستامالاردىڭ ارقاسىندا ەلوردا اكىمدىگى ەل رەفورمالارىن ىسكە اسىرۋدا اقپاراتتىق حابارلاۋ, قىزمەتتىڭ جاڭا باعىتتارىن قۇراتىن قالالىق جوبالاردى دامىتۋدى تۇراقتى نەگىزدە قولدايدى.
وسىلايشا, 3 جىل ىشىندە ەلوردادا تۇرعىن ۇيلەردى باسقارۋ سالاسىندا 800-دەن استام جاڭا زاڭدى تۇلعا قۇرىلدى, ميب توراعالارى مەن باسقارۋشى كومپانيالار ءۇشىن ءبىلىم بەرۋ باعىتتارى اشىلدى, تۇرعىن ۇيلەرگە سەرۆيستىك قىزمەت كورسەتۋشىلەر بويىنشا مونيتورينگ جۇرگىزىلدى, جاڭا جۇمىس ورىندارى قۇرىلدى.
«ەلوردالىق ورتالىقتىڭ قۇرىلىس جانە تكش سالاسىنداعى كوممەرتسيالىق ەمەس ۇيىمدارمەن جانە باسقا دا زاڭدى تۇلعالارمەن جۇمىس جونىندەگى جوباسىنىڭ ۇلگىسىندە قولجەتىمدى ماستەر-كلاسستار مەن ازاماتتاردى اشىق قابىلداۋ ارقىلى ولاردىڭ قۇقىقتىق جانە قارجىلىق ساۋاتتىلىعىن ارتتىرۋ بولىگىندە شارالار قابىلدانىپ جاتىر», دەلىنگەن حابارلامادا.
2020 جىلدان باستاپ iQamal قاۋىمداستىعى ميب ورتالىعى جوباسى ارقىلى 500-دەن استام قوعامدىق جينالىستار, جيىندار, تىڭداۋلار جانە قوعامدىق تالقىلاۋلار وتكىزدى.
«قوعامدىق كەڭەستەردىڭ, پيك پەن ميب-ءتىڭ قىزمەتىن قايتا فورماتتاۋ ءسوزسىز جالعاسادى. سونداي-اق بەلسەندى ازاماتتار مەنىڭ ويىمشا, قوعامداعى ەڭبەك قۇندىلىعى يدەولوگياسىن ىلگەرىلەتۋگە باعىتتالعان جوبالارعا قاتىسۋى ءتيىس. ارينە, كەز-كەلگەن جينالىس, قوعامدىق تىڭداۋ نەمەسە قوعامدىق تالقىلاۋ – ءار ادامنىڭ جەكە ءبىلىمى مەن تاجىريبەسىنەن تۇراتىن پىكىرلەر, كوزقاراستار, تاسىلدەر اراسىنداعى ايىرماشىلىق. دەگەنمەن قالا تۇرعىندارى قولدانىستاعى زاڭناماعا سۇيەنە وتىرىپ, ءوز سەنىمدەرىن قۇرمەتپەن قورعاۋدى ۇيرەنۋى كەرەك ەكەنىنە ءوز باسىم سەنىمدىمىن. تۇرعىن ءۇي نىسانىن باسقارۋ, جاڭا نىساندار سالۋ جانە اۋماقتاردى يگەرۋ ءبىرىنشى كەزەكتە قۇرىلىس نورمالارى مەن زاڭنامالىق اكتىلەرگە نەگىزدەلۋى ءتيىس», دەپ اتاپ ءوتتى استانا ميب ورتالىعىنىڭ باسشىسى گۇلۆيرا ابەتوۆا.