ۇلتتىق بانكتىڭ اقشا-كرەديت ساياساتى كوميتەتى بازالىق مولشەرلەمەنى جىلدىق 16,75 پايىز دەڭگەيىندە ساقتاۋ تۋرالى شەشىم قابىلدادى, دەپ حابارلايدى Egemen.kz بانكتىڭ ءباسپاسوز قىزمەتىنە سىلتەمە جاساپ.
«ىشكى جانە سىرتقى ينفلياتسيالىق پروتسەستەر ديناميكاسى, سونداي-اق ەكونوميكالىق ءوسۋ تراەكتورياسى ۇلتتىق بانك بولجامىنىڭ بازالىق ستسەناريىنە سايكەس قالىپتاسىپ جاتىر. ايلىق ينفلياتسيا بىرتىندەپ باياۋلاپ كەلەدى, بىراق ول ءوزىنىڭ ورتاشا جىلدىق ماندەرىنەن جوعارى كۇيىندە قالىپ وتىر. ينفلياتسيالىق تاۋەكەلدەردىڭ بالانسى پروينفلياتسيالىق كۇيىن ساقتاپ قالدى, سەبەبى ينفلياتسيانىڭ ورنىقتى بولىگى جوعارى قالىپتاسىپ, ينفلياتسيالىق كۇتۋلەر قارقىن الدى. لوگيستيكالىق تىزبەكتەردىڭ قۇرىلىمدىق وزگەرۋى ەكونوميكاعا تەرىس ىقپالىن تيگىزىپ كەلەدى. ساقتالىپ وتىرعان تاۋەكەلدەر بازالىق مولشەرلەمەنى ۇزاق ۋاقىت ىشىندە اعىمداعى ماندەردە ۇستاپ تۇرۋدى تالاپ ەتەدى», دەلىنگەن حابارلامادا.
قر ۇلتتىق بانكىنىڭ اقشا-كرەديت ساياساتى كوميتەتىنىڭ بازالىق مولشەرلەمە بويىنشا كەزەكتى جوسپارلى شەشىمى 2023 جىلعى 24 اقپاندا استانا قالاسىنىڭ ۋاقىتى بويىنشا ساعات 12:00-دە جاريالانادى.
گۇلشاحرا سانسىزباي