2022 جىلدىڭ قورىتىندىسى بويىنشا مەملەكەتتىك الەۋمەتتىك ساقتاندىرۋ قورىنان 1,2 ملن ادام جالپى سوماسى شامامەن 441 ملرد تەڭگەگە الەۋمەتتىك تولەمدەر الدى, بۇل 2021 جىلمەن سالىستىرعاندا 30% - عا ارتىق. بۇل تۋرالى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ حابارلايدى.
مينيسترلىك مالىمەتىنشە, ەڭبەككە قابىلەتتىلىگىنەن ايىرىلعان جاعدايدا تولەنەتىن الەۋمەتتىك تولەم بيۋدجەت قاراجاتى ەسەبىنەن تولەنەتىن مۇگەدەكتىگى بويىنشا مەملەكەتتىك الەۋمەتتىك جاردەماقىعا قوسىمشا تاعايىندالادى. تولەم مەديتسينالىق-الەۋمەتتىك ساراپتاما جالپى ەڭبەك ەتۋ قابىلەتىنەن ايرىلۋ دارەجەسىن 30% - دان 100% - عا دەيىن بەلگىلەگەن كەزەڭدە تولەنەدى جانە ەڭبەك قىزمەتىن جالعاستىرۋىنا قاراماستان جۇرگىزىلەدى. 2022 جىلى وسى تولەمدى ماسق-تەن 30,5 ملرد تەڭگە سوماعا 97,6 مىڭ ادام الدى, بۇل 2021 جىلمەن سالىستىرعاندا 13% - عا ارتىق. تاعايىندالعان تولەمنىڭ ورتاشا مولشەرى 37 784 تەڭگەنى قۇرادى.
اسىراۋشىسىنان ايىرىلۋى جاعدايىنا تولەنەتىن الەۋمەتتىك تولەم مىندەتتى الەۋمەتتىك ساقتاندىرۋ جۇيەسىنە قاتىسۋشىنىڭ اسىراۋىنداعى ادامدارعا بيۋدجەت قاراجاتى ەسەبىنەن اسىراۋشىسىنان ايىرىلۋى بويىنشا مەملەكەتتىك الەۋمەتتىك جاردەماقىعا قوسىمشا تاعايىندالادى. اسىراۋىنداعى ادامدار 18 جاسقا تولعانعا دەيىن, ال كۇندىزگى بولىمدە وقىعان جاعدايدا 23 جاسقا تولعانعا دەيىن تولەنەدى. وسى تولەمدى ماسق-تەن 2022 جىلى اسىراۋشىسىنان ايىرىلعان 61,4 مىڭ وتباسى 21,3 ملرد تەڭگە سوماعا الدى, بۇل 2021 جىلمەن سالىستىرعاندا 20% - عا ارتىق. تاعايىندالعان تولەمنىڭ ورتاشا مولشەرى 40 928 تەڭگە.
ساتىپ الۋ قابىلەتىن قامتاماسىز ەتۋ ماقساتىندا ەڭبەككە قابىلەتتىلىگىنەن ايىرىلۋ جانە اسىراۋشىسىنان ايىرىلۋ بويىنشا تولەمدەر مولشەرى جىل سايىن ارتۋدا. ماسەلەن, 2023 جىلعى 1 قاڭتاردان باستاپ تولەمدەر مولشەرى 8,5% - عا ءوستى.
جۇمىسىنان ايىرىلۋ جاعدايىنا الەۋمەتتىك تولەم جۇمىستان شىعۋ سەبەپتەرىنە قاراماستان تاعايىندالادى. تولەم الۋ قۇقىعى حالىقتى جۇمىسپەن قامتۋ ورتالىعى نەمەسە «ەلەكتروندىق ەڭبەك بيرجاسى» (enbek.kz) پورتالى ارقىلى جۇمىسسىز رەتىندە تىركەلگەن كۇننەن باستاپ تۋىندايدى. تولەم مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن تاعايىندالادى. 2022 جىلى بۇل تولەمدى ماسق-تەن 19,1 ملرد تەڭگە سوماعا 110,6 مىڭ ادام الدى, بۇل 2021 جىلمەن سالىستىرعاندا 18% - عا ارتىق. تاعايىندالعان تولەمنىڭ ورتاشا مولشەرى 44 833 تەڭگە بولدى.
2023 جىلعى 1 قاڭتاردان باستاپ مەملەكەت باسشىسىنىڭ 2021 جىلعى 1 قىركۇيەكتەگى قازاقستان حالقىنا جولداۋىندا ايتىلعان تاپسىرماسىن ورىنداۋ ماقساتىندا جۇمىسىنان ايىرىلعان جاعدايدا تولەنەتىن الەۋمەتتىك تولەمدى ەسەپتەۋ ءۇشىن قولدانىلاتىن تابىستى الماستىرۋ كوەففيتسيەنتى 40% - دان 45% - عا دەيىن ارتتىرىلدى, بۇل جۇمىسىنان ايىرىلعان جاعدايدا تولەنەتىن الەۋمەتتىك تولەمنىڭ مولشەرىنىڭ ۇلعايۋىنا اسەر ەتەدى.
جۇكتىلىككە جانە بوسانۋعا, جاڭا تۋعان بالانى (بالالاردى) اسىراپ الۋعا بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەم جۇكتىلىك جانە بوسانۋ بويىنشا دەمالىستىڭ بارلىق كۇندەرىنە تاعايىندالادى. وسى بىرجولعى تولەمدى 2022 جىلى ماسق-تەن جالپى سوماسى 197,9 ملرد تەڭگەگە 251,1 مىڭ ادام الدى, بۇل 2021 جىلمەن سالىستىرعاندا 60% - عا ارتىق. تاعايىندالعان تولەمنىڭ ورتاشا مولشەرى 809 226 تەڭگە.
بالا كۇتىمىنە بايلانىستى تابىسىنان ايىرىلعان جاعدايدا ءبىر جاسقا دەيىنگى اي سايىنعى الەۋمەتتىك تولەم بالا تۋعان كۇننەن باستاپ تاعايىندالادى. تولەم مولشەرى سوڭعى 2 جىلداعى ورتاشا ايلىق تابىستىڭ 40%-ىن قۇرايدى. ەكى جانە ودان دا كوپ بالا تۋعان كەزدە تولەم ءاربىر بالاعا جەكە تاعايىندالادى. 2022 جىلى بۇل تولەم ماسق-تەنن 321,8 مىڭ ادامعا تاعايىندالدى. بىلتىر جالپى 171,9 ملرد تەڭگە تولەندى, بۇل 2021 جىلمەن سالىستىرعاندا 11% - عا ارتىق. تاعايىندالعان تولەمنىڭ ورتاشا مولشەرى 45 942 تەڭگە.
2023 جىلعى 1 قاڭتاردان باستاپ مەملەكەت باسشىسىنىڭ 2021 جىلعى 1 قىركۇيەكتەگى قازاقستان حالقىنا جولداۋىندا ايتىلعان تاپسىرماسىن ورىنداۋ اياسىندا بالا كۇتىمى بويىنشا الەۋمەتتىك تولەمنىڭ ۇزاقتىعى ءبىر جاستان ءبىر جارىم جاسقا دەيىن ۇلعايتىلدى.