ءۇشىنشى كەزەڭگە ءوتتى

العاشقى اينالىمدا امەريكالىق كلەر ءليۋدى ۇتقان وتانداسىمىز ەكىنشى كەزەڭدە يسپانيالىق نۋريا پارريزاس-دياسپەن كەزدەستى. بۇل باسەكەدە پۋتينتسەۆانىڭ باسىمدىعى ەش كۇمان تۋعىزعان جوق. 1 ساعات 20 مينۋتقا سوزىلعان تارتىس 6:2, 6:3 ەسەبىمەن اياقتالدى. ەندى ول اننا بلينكوۆامەن شەبەرلىك بايقاسادى. الەمدىك رەيتينگتە 72-ورىندا تۇرعان 24 جاستاعى رەسەيلىك تەننيسشىنىڭ ەڭ جاقسى كورسەتكىشى – 2019 جىلى رولان گارروستىڭ ءۇشىنشى كەزەڭىنە دەيىن جەتۋى. ونىڭ باسقا باعىندىرعان پالەندەي بەلەسى جوق. سول سەبەپتى دە يۋليانىڭ شيرەك فينالعا شىعۋىنا ەش كەدەرگى بولماۋعا ءتيىس. سول سەكىلدى ادەلايداداعى تۋرنيردە ەلەنا رىباكينا مەن رەسەيلىك اناستاسيا پاۆليۋچەنكوۆا دا ءساتتى ونەر كورسەتۋدە. جارتىلاي فينالدا ليۋدميلا كيچەنوك (ۋكراينا) پەن ەلەنا وستاپەنكونى (لاتۆي) 6:4, 7:5 ەسەبىمەن ۇتقان بۇل جۇپ اقتىق سىنعا جولداما الدى.

ال اۋستراليانىڭ اشىق بىرىنشىلىگىنىڭ ىرىكتەۋ تۋرنيرىنە قاتىسقان قازاقستاننىڭ قوس تەننيسشىسى دە ساتسىزدىككە ۇشىرادى. ميحايل كۋكۋش­كين جاپونيالىق يوسۋكە ۆاتانۋكيگە ەسە جىبەرسە, تيموفەي سكاتوۆ چيليلىك نيكولاس حارريگە جول بەردى.