پرەمەر-مينيستر ءاليحان سمايىلوۆ ArcelorMittal كومپانياسىنىڭ ۆيتسە-پرەزيدەنتى ۆيدجاي گويالمەن جانە «ارسەلورميتتال تەمىرتاۋ» اق باس ديرەكتورى بيدجۋ نايرمەن كەزدەستى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
ءاليحان سمايىلوۆ يندۋستريا جانە ينفراقۇرىلىمدىق دامۋ مينيسترلىگى مەن امت اراسىندا قول قويىلعان مەموراندۋم اياسىندا قازاقستاندىق تاراپ كاسىپورىنعا قارجىلىق, تەحنيكالىق جانە ەكولوگيالىق اۋديت جۇرگىزۋ ءۇشىن تاۋەلسىز حالىقارالىق كونسۋلتانتتاردى شاقىرعانىن اتاپ ءوتتى.
سونىمەن قاتار پرەمەر-مينيستر «ارسەلورميتتال تەمىرتاۋعا» كەشەندى تەكسەرۋ جۇرگىزۋ كەستەسى جىبەرىلگەنىن ايتتى.
ءوز كەزەگىندە ۆيدجاي گويال بارلىق تەكسەرۋ شارالارىنا تولىق جاردەم كورسەتۋگە دايىن ەكەنىن جەتكىزدى.