بيىل بجزق-دان بەرىلەتىن زەينەتاقى مولشەرى قانداي؟

قوردان بەرىلەتىن تولەمدەر قازاقستان رەسپۋبليكاسى ۇكىمەتىنىڭ 2013 جىلعى 2 قازانداعى № 1042 قاۋلىسىمەن بەكىتىلگەن ادىستەمەگە سايكەس جۇزەگە اسىرىلادى.

بجزق ءباسپاسوز قىزمەتى حابارلاعانداي, قولدانىستاعى ادىستەمەگە ساي زەينەتكە شىققان ازاماتتارعا بەرىلەتىن تولەمدەر كەلەسىدەي ەسەپتەلەدى: تولەم الا باستايتىن العاشقى جىلى زەينەتاقى جيناقتارىنىڭ سوماسى زەينەتاقى جيناقتارىنىڭ 6,5% تولەم مولشەرلەمەسىنە كوبەيتىلەدى جانە 12-گە بولىنەدى.

«بەلگىلى ءبىر ساناتتاعى الۋشىلار, ياعني مەرزىمسىز بەلگىلەنگەن 1 نەمەسە 2 توپتاعى مۇگەدەكتىگى بار ادامدار, سونداي-اق زياندى جانە قاۋىپتى وندىرىستەردە جۇمىس ىستەگەن, جيناقتارى جيىنتىعىندا كەمىندە الپىس اي مىندەتتى كاسىپتىك زەينەتاقى جارنالارى ەسەبىنەن قالىپتاستىرىلعان ادامدار ءۇشىن ادىستەمەدە اي سايىنعى زەينەتاقى تولەمىنىڭ مولشەرىن ارتتىراتىن تۇزەتۋ كوەففيتسيەنتتەرى كوزدەلگەن. جوعارىدا كورسەتىلگەن شارتتاردىڭ ەكەۋىن دە قاناعاتتاندىراتىن تۇلعالار ءۇشىن, وسى ەكى جاعدايداعى نەعۇرلىم جوعارى مانگە يە تۇزەتۋ كوەففيتسيەنتى قولدانىلادى», دەلىنگەن بجزق حابارلاماسىندا.

بۇل رەتتە بجزق-دان اي سايىنعى زەينەتاقى تولەمى رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ەڭ تومەنگى كۇنكورىس دەڭگەيىنىڭ كەمىندە 70% مولشەرىندە جۇزەگە اسىرىلادى. ايتا كەتسەك, 2023 جىلعى ەڭ تومەنگى كۇنكورىس دەڭگەيى – 40 567 تەڭگەنى قۇرايدى. تيىسىنشە, جىل باسىنان بەرى بجزق-دان بەرىلەتىن ەڭ تومەنگى تولەم مولشەرى 8,5%-عا ۇلعايىپ, 28 396,9 تەڭگە (70% * 40 567) بولدى.

كەلەسى جىلدارى اي سايىنعى زەينەتاقى تولەمىنىڭ مولشەرى زەينەتاقى تولەمدەرىن يندەكستەۋ مولشەرلەمەسى 5%-عا ۇلعايىپ وتىرادى.

«ەگەر ءوتىنىش بەرىلگەن كۇنگى زەينەتاقى جيناقتارىنىڭ سوماسى ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگىلەنگەن ەڭ تومەنگى زەينەتاقىنىڭ ون ەكى ەسەلەنگەن مولشەرىنەن اسپاعان جاعدايدا, بۇل سوما الۋشىعا بجزق-دان ءبىر رەت, بىراق تولەنەدى (2023 جىلى بىرجولعى زەينەتاقى تولەمىنىڭ مولشەرى – 636 912 تەڭگە = 12 * 53 076 تەڭگە). بجزق-دان زەينەتاقى تولەمدەرىن الۋ قۇقىعىن 2018 جىلعى 1 قاڭتارعا دەيىن ىسكە اسىرعان تۇلعالارعا تولەمدەر زەينەتاقى تولەمدەرى تاعايىندالعان ساتتە قولدانىستا بولعان ادىستەمە بويىنشا ەسەپتەلەدى: جىلدىق زەينەتاقى تولەمىنىڭ سوماسى ەڭ تومەنگى زەينەتاقىنىڭ وتىز ەسەلەنگەن ەڭ جوعارى مولشەرى (2023 جىلى – 1 592 280 تەڭگە = 30*53 076 تەڭگە) مەن الۋشىنىڭ ءتيىستى جاسىنداعى زەينەتاقى جيناقتارىنىڭ اعىمداعى قۇنىنىڭ كوەففيتسيەنتىنە زەينەتاقى جيناقتارى سوماسىنىڭ كوبەيتىندىسى رەتىندە ەسەپتەلگەن شامالاردان اسپايدى», دەلىنگەن حابارلامادا.