قالىڭ قار باسىپ قالدى

سولتۇستىك وڭىرلەر ءۇشىن بۇل قالىپ­تى جاعداي بولسا, رەسپۋبليكانىڭ كۇنگەيىن­دەگى قالا ءۇشىن البەتتە, توسىن وقيعا. اۋا رايىنىڭ كۇرت بۇزىلۋىنا بايلانىستى شاھاردىڭ كوممۋنالدىق قىزمەتى مەن توتەنشە جاعداي دەپارتامەنتى جانە باس­قا دا ءتيىستى ۇيىمدار كۇشەيتىلگەن جۇ­مىس رەجىمىنە كوشتى. وسىعان وراي مە­گا­پوليستىڭ اكىمشىلىك اۋداندارى ءوز اۋماعىن قاردان تازالاۋ ءۇشىن قا­جەت­­تى تەحنيكالار مەن بريگادالاردى جۇمىل­دىردى.

دەي تۇرعانمەن قالىڭ قار قالالىق­تاردى ءبىراز ابىگەرگە سالىپ ۇلگەردى. شەت جاقتى بىلاي قويعاندا, كەيبىر ور­­تا­­لىققا جاقىن كۇرە جولداردىڭ ءوزى قار­دان كۇرەلمەي, كولىكتەردىڭ ءجۇرۋىن قيىنداتتى. ءتىپتى الماتى اينالما تاس جولىندا تاڭەرتەڭ جۇك كولىكتەرىنىڭ كەپتەلىسى ورىن الدى. كوشە قيىلىستارىندا بىرنەشە جول-كولىك وقيعالارى بولدى. جولاۋشى تاسىمالداۋشى اۆتوبۋستار كەستەسىنەن جاڭىلىپ, ايالدامالاردا قوعامدىق كولىك كۇتكەن حالىقتىڭ قاتارى كوبەيدى.

وسىلايشا, جىل باسىندا قىس قاھا­رىنا ءمىندى. «كارى قۇدانىڭ» شىم­كەنتتە سوڭعى رەت قاشان بۇلاي الەك سالعانىن تۇرعىندار ءتىپتى ەسىنە تۇسىرە المايدى. بىراق ادامداردىڭ پايىمىنشا, مۇنداي قالىڭ قاردىڭ جاۋماعانىنا جيىرما, ءتىپتى ودان دا كوپ جىل بولعان.

كۇننىڭ كۇرت بۇزىلاتىنى تۋرالى «قاز­گيدرومەت» رمك الدىن الا ەسكەرتۋ جاساعان-دى. ارنايى حابارلامادا گيدرو­مەتەرولوگيالىق قىزمەت اپتانىڭ باسىندا قار جاۋىپ, اۋا تەمپەراتۋراسى -3, -5 گرادۋسقا, 13 قاڭتارعا قاراي -20 گرادۋسقا دەيىن تومەندەيتىنى جايىندا حابارلاعان. وسىعان بايلانىستى «سۋ رەسۋرستارى – ماركەتينگ» مەكەمەسى تۇرعىنداردان سۋ قۇبىرلارىنىڭ ايازدى كۇندەرى قاتىپ قالماۋىن قاداعالاۋدى ءوتىندى.

سونىمەن بىرگە شىمكەنت قالالىق ءبىلىم باسقارماسى 10-11 قاڭتار كۇندەرى ارالىعىندا 1-8 سىنىپ وقۋشىلارىن قا­شىقتان وقىتۋ تۋرالى شەشىم قا­بىل­دادى. ال 9-11 سىنىپ وقۋشىلارى ءداس­تۇرلى فورماتتا ءبىلىم الۋدى جالعاس­تىرا بەرەدى.

توتەنشە جاعدايلار دەپارتامەنتىنىڭ مالىمەتىنشە, قالىڭ قار سالدارىنان قالادا بىرنەشە وقىس وقيعا ورىن العان. ء«نۇرسات» شاعىن اۋدانىنداعى №114 ءۇيدىڭ اۋلاسىندا جالپى كولەمى 252 شارشى مەتردى قۇرايتىن ەكى باستىرما قۇلاپ, 5 اۆتوكولىكتى باسىپ قالعان.

وقيعا ورنىنا تجد ءورت ءسوندىرۋ جا­نە اۆاريالىق قۇتقارۋ جۇمىستارى قىز­مەتىنىڭ ماماندارى تەحنيكاسىمەن جەدەل باردى. ادامدار زارداپ شەككەن جوق. بۇدان بولەك تۇران اۋدانىنا قاراستى «ساۋلە» شاعىن اۋدانىندا «DAF» ماركالى جۇك اۆتوكولىگى, قۇرساي شاعىن اۋدانىندا قالاارالىق №60 باعىتتاعى اۆتوبۋس قارعا تىعىلىپ قالعان جەرىنەن تارتىپ شىعارىلدى.

وسى جاعدايعا بايلانىستى شىمكەنت قالاسى اكىمىنىڭ ورىنباسارى ەرعالي بىلىسبەكوۆ ارنايى بريفينگ وتكىزدى. ون­دا سالا باسشىسى قالىڭ قاردى تازا­لاۋعا 350-دەن استام تەحنيكا جۇمىل­دى­رىلعانىن ايت­تى. سونداي-اق اياقجولدار مەن ايالداما­لار ماڭىن قاردان كۇرەۋگە 1 140 جۇ­مىسشى جۇمىلدى. ايازدى كۇن­دە جى­لۋدى ۇنەمدەۋ ءۇشىن زاۋىتتار مەن ءىرى فاب­ريكالاردىڭ جۇمىسىن ۋاقىت­شا توقتا­تا تۇرۋعا اكىمدىك تاراپىنان كەلىسىم جۇرگىزىلىپتى.

ال سينوپتيكتەر تاراتقان مالىمەتكە سۇيەنسەك, 10 قاڭتار كۇنى ساعات 9:00-دەگى جاعداي بويىنشا قاردىڭ قالىڭدىعى 26 سانتيمەترگە جەتكەن. اۋا رايىن بولجاۋشى ماماندار دەرەگىنە سايكەس ءدال وسىنداي قالىڭ قاردىڭ جاۋى وسىدان 49 جىل بۇرىن, ياعني 1974 جىلى بولعان ەكەن.

سونىمەن شىمكەنتتە شامامەن ءبىر جارىم كۇن بويى توقتاۋسىز قار جاۋدى. 11 قاڭتاردا كۇننىڭ كوزى اشىلدى. دەگەنمەن دالادا ايازدىڭ بارى سەزىلەدى. نەگىزگى ورتالىق كوشەلەر كۇرەلدى. جۇمىسشى بريگادالار اياقجولداردى تازالاپ, جۇك كولىكتەرىمەن ۇيىلگەن قاردى سىرتقا شىعارىپ جاتىر. دەگەنمەن جولدار كوكتايعاق. وسىعان بايلانىس­تى توتەنشە جاعدايلار دەپارتامەنتى تۇرعىنداردى, سونىڭ ىشىندە كولىك جۇرگىزۋشىلەرىن ساقتىق شارالارىن ساقتاۋعا شاقىرىپ وتىر. قالانى قاردان تازالاۋعا كوممۋنالدىق قىزمەت سالاسى جۇمىسشىلارىمەن بىرگە قاراپايىم تۇرعىندار دا, ەرىكتىلەر دە ءوز ۇلەستەرىن قوستى. قار جاۋعان كۇنى ورتالىق كوشەلەردىڭ ءوزى دەر كەزىندە كۇرەلمەي جاتقانعا حالىق الەۋمەتتىك جەلى ارقىلى كوممۋنالدىق قىزمەت سالاسىن ءبىراز سىن ساداعىنا العان ەدى. دەي تۇرعانمەن كوپشىلىك تابيعاتتىڭ كەيدە وسىلاي بولىپ تۇراتىن توسىن قۇبىلىسىنا ادامزاتتىڭ كورسەتەر ايلا-شاراسى جوق ەكەنىن ۇعىنىپ, تۇسىنىستىكپەن قارادى. ال جۇمىلا كىرىسكەن ءىستىڭ ناتيجەسىندە تازالاۋ جۇمىستارى ىڭ-شىڭسىز اتقارىلىپ, ءۇشىنشى مەگاپوليستەگى تىرشىلىك قايتادان بۇرىنعى ارناسىنا تۇسە باستادى.

شىمكەنت