قاراعاندى قالاسىنىڭ رەسپۋبليكا داڭعىلى № 18/2 تۇرعىن ۇيدەگى ءورتتىڭ سەبەبى ايتىلدى, دەپ حابارلايدى Egemen.kz.
«8-قاباتتاعى 3 بولمەلى پاتەردىڭ جاتىن بولمەسىندەگى اشىق وت كوزى ورتكە سەبەپ بولعان. پاتەردەن جارىلىسقا اكەلۋى مۇمكىن گاز قۇرالدارى مەن باسقا قۇرالدار تابىلعان جوق. جارىلىس سياقتى ىقتيمال دىبىس زارداپ شەككەن ەر ادامنىڭ 8-ءشى قاباتتان كولىكتىڭ توبەسىنە قۇلاۋى بولۋى مۇمكىن. جارىلىستىڭ بولماعانى ەدەندەردە, قابىرعالاردا جانە بولىمدەردە زاقىمدانۋدىڭ جوقتىعىنان دا كورىنەدى», دەلىنگەن قاراعاندى وبلىسى تجد ءباسپاسوز قىزمەتى تاراتقان اقپاراتتا.
قازىر بارلىق تۇرعىندار ءوز پاتەرلەرىنە ورالدى. ءۇيدىڭ جىلۋمەن جابدىقتالۋى بۇزىلماعان. ەلەكترمەن جابدىقتاۋ ۇيگە قوسىلعان.
1979 جىلى تۋعان زارداپ شەككەن ادام ءتۇرلى جاراقاتتارمەن قاراعاندى قالاسىنىڭ ورتالىق اۋرۋحاناسىندا ەمدەلىپ جاتىر. ءورت بولعان ۋاقىتتا جانە اۋرۋحاناعا جاتقىزۋ كەزىندە زارداپ شەككەن ادام قاتتى ماس كۇيىندە بولعان.