ءماجىلىس دەپۋتاتتارى گاز باعاسىن مەملەكەتتىك رەتتەۋدى كوزدەيتىن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سۇيىتىلعان گاز اينالىمىن رەتتەۋ پروتسەستەرىن رەينجينيرينگ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى, دەپ حابارلايدى Egemen.kz.
زاڭ جوباسى سۇيىتىلعان مۇناي گازىنىڭ اينالىمىن رەتتەۋدىڭ قۇقىقتىق نەگىزدەرىن وزگەرتۋ ماقساتىندا ازىرلەندى.
«سۇيىتىلعان مۇناي گازىنىڭ باعاسى 2022 جىلدىڭ قاڭتارىندا نارازىلىق ءبىلدىرۋدىڭ شارتتى ىسكە قوسۋ مەحانيزمى بولدى. باعانىڭ تۇراقسىزدىعى, سونىڭ ىشىندە سالانىڭ كەڭ تارالعان اشىقتىعىنان, جوسىقسىز دەلدالدىقتان, كولەڭكەلى ەكسپورتتىڭ ۇلكەن كولەمىنەن جانە سونىڭ سالدارىنان حالىق ءۇشىن جاساندى وتىن تاپشىلىعىنان تۋىندايدى», دەدى پارلامەنت ءماجىلىسىنىڭ دەپۋتاتى ەكاتەرينا سمىشلياەۆا.
ونىڭ ايتۋىنشا, زاڭ جوباسى سۇيىتىلعان گاز نارىعىنداعى بارلىق پروتسەستەردى بارىنشا اۆتوماتتاندىرۋعا جانە تسيفرلاندىرۋعا باعىتتالعان. نارىق سۋبەكتىلەرى فيسكالدىق دەرەكتەر وپەراتورىنا بولشەك ساۋدادا وتكىزۋ كولەمى, باعاسى, ناقتى ورنى تۋرالى اقپارات بەرۋگە مىندەتتى بولادى. كوتەرمە اعىندار تۋرالى دەرەكتەردى الۋ ءۇشىن سۇيىتىلعان گاز تاۋارعا ىلەسپە جۇكقۇجاتتاردى رەسىمدەۋگە مىندەتتى تاۋارلار تىزبەسىنە ەنگىزىلەدى.
سونداي-اق سۇيىتىلعان گاز نارىعىنىڭ ينفراقۇرىلىم وبەكتىلەرىنىڭ-وندىرىستىك كەشەندەردىڭ, اۆتوجانارماي قۇيۋ ستانتسيالارىنىڭ, گاز تولتىرۋ پۋنكتتەرىنىڭ جانە باسقالاردىڭ فۋنكتسيونالدىعى ناقتىلانادى, ءوڭىر ىشىندە گاز ليميتتەرىن ءبولۋ ءۇشىن جەرگىلىكتى اتقارۋشى ورگانداردىڭ جاۋاپكەرشىلىگى كۇشەيتىلەدى.