10 قاڭتاردا قاراعاندى قالاسىنداعى كوپقاباتتى تۇرعىن ۇيلەردىڭ بىرىندە گاز بالونى جارىلىپ, ءورت بولدى. وقيعانىڭ ءمان-جايى انىقتالدى. وسىعان بايلانىستى جەرگىلىكتى پوليتسيا قىلمىستىق ءىس قوزعالعانىن مالىمدەدى, دەپ حابارلايدى Egemen.kz.
تجم مالىمەتتەرى بويىنشا, ءورت شىققان پاتەردەن ەر ادام قۇتقارىلىپ, اۋرۋحاناعا جاتقىزىلدى. سونىمەن قاتار ءۇي ءىشىن تەكسەرۋ كەزىندە ءۇش ادامنىڭ دەنەسى تابىلدى (بولجام بويىنشا ەكى ەركەك پەن ءبىر ايەل).
ء«ورت فاكتىسى بويىنشا پوليتسيادا قر قك 204-بابىنىڭ 2-بولىگى بويىنشا «وتتى ابايسىزدا پايدالانۋ نەمەسە اسا قاۋىپتى وزگە دە كوزدەرمەن اۋىر زارداپتارعا اكەپ سوقتىرعان بوتەننىڭ مۇلكىن ابايسىزدا جويۋ نەمەسە ءبۇلدىرۋ» بويىنشا قىلمىستىق ءىس تىركەلدى», دەلىنگەن وبلىستىق پد ءباسپاسوز قىزمەتى تاراتقان حابارلامادا.
اتالعان باپتىڭ سانكتسيالارى 2 مىڭ ايلىق ەسەپتىك كورسەتكىشكە دەيىنگى مولشەردەگى ايىپپۇلمەن نە سول مولشەردەگى تۇزەۋ جۇمىستارىمەن نە ەكى جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيدى.