رەۆماتيزمدى ەمدەۋدىڭ جاڭا ءادىسى

رەۆماتولوگيا جۇيەلى اۋتويم­مۋندى اۋرۋلاردى ەمدەۋمەن اينالىسادى. قازىرگى كەزدە بۇل يممۋندىق قابىنۋ رەۆماتيكالىق اۋرۋلارى رە­تىندە انىقتالادى. ونى ەمدەۋدە نەگىزگى تەراپيا رەتىندە ءوز اعزاسىنىڭ اۋتواگرەسسياسىن – مەتوترەكسات, گليۋكوكورتيكويدتەر, گيدروكسيحلوروحين جانە باسقا سينتەتيكالىق اۋرۋ­دى باسۋ ءۇشىن جاقسى اسەر ەتەتىن جانە رەميسسياعا اكە­لەتىن جانە وزگەرتەتىن دارىلەر قولدانىلادى. بى­راق تەراپيانىڭ قالىپتى تىز­بەگى ءتيىستى اسەر ەت­پەسە, يننوۆاتسيالىق ەمدەۋ ادىس­تەرى, ياعني گەن­دىك-ين­­­­جە­­­نەر­لىك بيولوگيالىق تەرا­پيا قولدانىلادى. ونىڭ ارەكەت ەتۋ قاعيداتى – اعزالار مەن تىن­دەر­گە زياندى اسەر ەتەتىن نەگى­ز­گى تسيتوكيندەرگە نۇكتەلىك اسەر ەتۋ. مۇنداي ەمدەۋدى قوسۋ رە­ميس­سياعا قول جەتكىزۋگە عا­نا ەمەس, سونىمەن قاتار گورمون­داردىڭ, ستەرويدتى ەمەس قابىنۋ­عا قار­سى پرەپاراتتاردىڭ, تسي­توس­تاتيكتەردىڭ جاعىمسىز اسە­رىن ازايتۋعا مۇمكىندىك بە­رەدى. گەندىك-ينجەنەرلىك بيو­لوگيالىق تەراپيانى رەۆماتولوگ ەلىمىزدىڭ كلينيكالىق ۇسى­نىمدارىنا سايكەس كورسە­تى­لىم­دەر بويىنشا قاتاڭ تۇردە تا­عايىندايدى.

پاتسيەنتتەر گەندىك-ينجە­­نەر­لىك بيولوگيالىق پرەپا­راتتاردىڭ ءبىر بولىگىن تەگىن مەديتسينالىق كومەكتىڭ كە­پىل­دىك بەرىلگەن كولەمى نەمەسە مىندەتتى الەۋمەتتىك مەدي­تسينالىق ساقتاندىرۋ اياسىندا تەگىن الا الادى. بۇگىندە كارديولوگيا جانە ىشكى اۋرۋلار عزي-دا رەسپۋبليكانىڭ تۇكپىر-تۇكپىرىنەن يممۋنوقابىنۋ رەۆ­­ماتيكالىق اۋرۋلارى بار پا­تسيەنتتەر ەمدەلۋدە. بۇل جونىن­­دە اتالعان ينستيتۋتتىڭ ج­ەتەك­­شى كونسۋلتانتى, پرو­فەس­سور, جوعارى ساناتتى رەۆماتولوگ دارىگەر, قازاقستان رەس­پۋب­ليكاسى رەۆماتولوگتەر ساراپتامالىق كەڭەسىنىڭ مۇشەسى ولگا ماشكۋ­نوۆا ايتتى. دارى­گەردىڭ ايتۋىن­شا, انكيلوزدى سپونديليتپەن, پسوريازدى سپونديلوارتريت­پەن اۋىراتىن پاتسيەنتتەر رەۆماتولوگيالىق بەيىن بويىنشا ەمدەۋ بارىسىندا ىسىك نەكروزى فاكتورىنىڭ ينگيبيتورلارى توبىنان الفا-اداليمۋماب پرەپاراتىن الا الادى. سونداي-اق بۇگىنگى كلينيكادا يممۋنولوگيالىق دياگ­­نوستيكا-يممۋنوبلوتينگ ادى­سىمەن يممۋنوينفلاماتسيالىق رەۆماتيكالىق اۋرۋلاردى دياگ­نوستيكالاۋ مۇمكىندىگى بار. ايتا كەتەيىك, جۇيەلىك يممۋندىق-قابىنۋ رەۆماتيكا­لىق اۋرۋلا­رى قازىر­گى ۋاقىتتا تولىق ەم­دەل­مەيدى. دەگەنمەن گەندىك-ينجە­نەرلىك بيولوگيالىق پرەپاراتتاردى قولدانۋ, زاماناۋي يننوۆاتسيالىق ەمدەۋ ارقىلى اۋرۋدى باقىلاۋعا, رەميسسياعا قول جەتكىزۋگە, ءومىر ءسۇرۋ ساپاسى مەن ۇزاقتىعىن ارتتىرۋعا بولادى.