كەشە قۇتقارۋشىلار «استانا-پەتروپاۆل» اۆتوجولىنىڭ جابىق ۋچاسكەسىنەن قاتتى ايازعا بايلانىستى 49 ادامدى ەۆاكۋاتسيالادى, دەپ حابارلايدى Egemen.kz اقمولا وبلىسى تجد ءباسپاسوز قىزمەتىنە سىلتەمە جاساپ.
تاجىكستان رەسپۋبليكاسىنىڭ 49 ازاماتى ششۋچينسك قالاسىنىڭ ورتالىق مەشىتىنە جىلىتۋ پۋنكتىنە ورنالاستىرىلىپ, ىستىق تاماقپەن قامتاماسىز ەتىلدى.
ء«بىز تاجىكستاننان رەسەيگە جول تارتتىق. – 40گرادۋس ايازدا ءبىزدىڭ اۆتوبۋس جولدا قالىپ قويدى. ءبىزدى جىلى جەرگە ورنالاستىرىپ, قولداۋ كورسەتكەندەرى ءۇشىن قازاقستان حالقىنا راقمەت», دەدى جولاۋشىلاردىڭ ءبىرى.
اقمولا وبلىسىنىڭ توتەنشە جاعدايلار دەپارتامەنتى وبلىس تۇرعىندارى مەن قوناقتارىنان جولداردىڭ جابىلۋى تۋرالى سمس حابارلامالار العان كەزدە جولعا شىقپاۋلارىن سۇرادى. جولداردىڭ جابىلۋى جانە اۋا رايى تۋرالى اقپاراتتى «Darmen» قوسىمشاسىنان نەمەسە 1403 ءنومىرى بويىنشا بىلۋگە بولادى.