قازاقستاندىق شاحماتشى ءبيبىسارا اساۋباەۆا قىتايدىڭ سيان قالاسىندا وتكەن The Belt and Road 2023 to World Chess woman's Summit تۋرنيرىندە ەكىنشى ورىن يەلەندى, دەپ حابارلايدى Egemen.kz.
قازاقستان شاحمات فەدەراتسياسىنىڭ ءباسپاسوز قىزمەتى حابارلاعانداي, 18 جاستاعى سپورتشى ازەربايجان وكىلى گۇلناي مامەزادە سياقتى 8,5 ۇپاي جيناسا دا, قوسىمشا كورسەتكىشتەر بويىنشا التىن مەدالدان قاعىلدى.
«دەمالىس كۇندەرى قىتايداعى تۋرنيردە ويناپ ۇلگەردىم. ناتيجەسىندە جەڭىلىسسىز ويناپ, ءبىر ۇپاي جيناي الماي قالدىم. وكىنىشكە قاراي, تاي-برەيك وينالمادى, وسىلايشا ەكىنشى ورىنعا يە بولدىم», دەپ جازدى سپورتشى Instagram-دا.