2022 جىلى اۋە جولاۋشىلار تاسىمالى 15%-عا ۇلعايعان, دەپ حابارلايدى Egemen.kz.
ماسەلەن, 2022 جىلدىڭ قورىتىندىسى بويىنشا قازاقستاندىق اۋە كومپانيالارى تاسىمالداعان جولاۋشىلار سانى 2021 جىلمەن سالىستىرعاندا 15%-عا ارتىپ, 9,9 ميلليون جولاۋشىنى قۇرادى.
بولجام بويىنشا, 2022 جىلعى تاسىمالدانعان جولاۋشىلار سانى شامامەن 10,8 ميلليونعا جەتەدى. بۇل رەتتە 2021 جىلعى كورسەتكىشكە قاراعاندا, جىلدىق ءوسىم 15%-دى قۇرايدى.
2022 جىلعى قاڭتار-قاراشا ايلارىندا وتاندىق اۋە كومپانيالارى ىشكى باعىتتار بويىنشا - 7 ملن جولاۋشى (2021 جىلى – 6,9 ملن, 2020 جىلى – 4,1 ملن), حالىقارالىق باعىتتار بويىنشا – 2,9 ملن جولاۋشى (2021 جىلى – 1,7 ملن, 2020 جىلى – 0,9 ملن) تاسىمالدادى.
«Air Astana» اۋە كومپانياسىنىڭ جولاۋشىلار اعىنى شامامەن 3,7 ميلليون ادامدى, «FlyArystan» – 3,0 ميلليونعا جۋىق, «Qazaq air» – 0,5 ميلليون جانە «SCAT» – 2,7 ميلليون ادامدى قۇرادى.