استانانىڭ 16 جاستاعى ءجاسوسپىرىم تۇرعىنى كوكشەتاۋ ماڭىنداعى تاۋ شاڭعىسى كۋرورتىندا شاڭعى تەۋىپ ءجۇرىپ قايتىس بولدى, دەپ حابارلايدى Egemen.kz.
اقمولا وبلىسى بويىنشا پوليتسيا دەپارتامەنتىنىڭ مالىمەتىنشە, 2 قاڭتاردا ساعات 17:25-تە زەرەندى اۋداندىق پوليتسيا بولىمشەسىنە شاڭعى بازاسىنىڭ مەڭگەرۋشىسىنەن وقىس جاعداي تۋرالى حابارلاما كەلىپ تۇسكەن. انىقتالعانداي, ەلوردانىڭ كامەلەتكە تولماعان تۇرعىنى (2006 جىلى تۋعان) سادوۆوە اۋىلىنان 10 شاقىرىم جەردە شاڭعى تەبۋگە ارنالعان ايماقتا قايتىس بولدى.
«وقيعا ورنىنا دەرەۋ جەدەل-تەرگەۋ توبى كەلدى. كامەلەتكە تولماعاننىڭ شاڭعى بازاسىنا اتا-اناسىمەن دەمالۋعا كەلگەنى انىقتالدى. جاس جىگىتتىڭ دەنەسىن ەكى دەمالۋشى تاۋىپ العان. جىگىت شاڭعى جولىنا ءتۇسۋ كەزىندە اعاشقا سوعىلىپ, قۇلاپ, ەسىن جيماي, سول جەردە قايتىس بولدى», دەپ حابارلادى اقمولا وبلىسى اكىمدىگىنىڭ ءباسپاسوز قىزمەتىنەن.
جىگىت جەدەل جاردەم كەلگەنشە قايتىس بولدى.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 306-بابى «قاۋىپسىزدىك تالاپتارىنا ساي كەلمەيتىن جۇمىستاردى ورىنداۋ نەمەسە قىزمەتتەر كورسەتۋ» بويىنشا سوتقا دەيىنگى تەرگەۋ باستالدى. ءتيىستى ساراپتامالار تاعايىندالدى.