اقتاۋ قالاسى مەن مۇنايلى اۋدانىنىڭ جولدارىنا «سەرگەك» قوعامدىق جانە جول قاۋىپسىزدىگىنىڭ زياتكەرلىك جۇيەسى ورناتىلادى, دەپ حابارلايدى Egemen.kz ماڭعىستاۋ وبلىسى اكىمدىگىنىڭ Telegram-كانالىنا سىلتەمە جاساپ.
«تسيفرلى قازاقستان» مەملەكەتتىك باعدارلاماسىن جۇزەگە اسىرۋ اياسىندا حالىقتىڭ جول جانە قوعامدىق قاۋىپسىزدىگىن قامتاماسىز ەتۋ ءۇشىن اقتاۋ قالاسى مەن مۇنايلى اۋدانىندا «سەرگەك» زياتكەرلىك بەينەباقىلاۋ جۇيەسى ورناتىلادى, دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.
ماڭعىستاۋ وبلىسى بويىنشا تسيفرلىق تەحنولوگيالار باسقارماسى وسى جوبا اياسىندا قر ىشكى ىستەر مينيسترلىگى ماڭعىستاۋ وبلىسىنىڭ پوليتسيا دەپارتامەنتى جانە جەكە سەرىكتەس «Sergek Projects Ltd» كومپانياسىمەن بىرلەسىپ, ۇشجاقتى كەلىسىمگە قول قويدى.
جوبا بويىنشا بارلىعى 1138 باقىلاۋ كامەراسى ورناتىلادى.
كامەرالاردىڭ كومەگىمەن پوليتسيا قىزمەتكەرلەرى جول قوزعالىسى مەن قوعامدىق قۇقىق بۇزۋشىلىقتاردى انىقتاۋعا مۇمكىندىك الماق. بەينەباقىلاۋ كامەرالارىنداعى جازبا 30 كۇن بويى ساقتالادى. «سەرگەك» جۇيەسىن ورناتۋ ءبىرىنشى كەزەكتە جول-كولىك وقيعالارىنىڭ الدىن الۋعا جانە جول قوزعالىسى ەرەجەلەرىن بۇزۋدىڭ الدىن الۋعا باعىتتالعان.
ايتا كەتۋ كەرەك, «سەرگەك» قوعامدىق جانە جول قاۋىپسىزدىگىنىڭ زياتكەرلىك جۇيەسى قازاقستاندىق جاساقتاۋشىلاردىڭ تۋىندىسى.
اقتاۋ قالاسىندا 95 نۇكتەدە 380 بەينەباقىلاۋ كامەراسى, مۇنايلى اۋدانىندا 35 نۇكتەدە 140 بەينەباقىلاۋ كامەراسى جەلىلىك ۋچاسكەلەرگە ورناتىلادى.
اقتاۋ قالاسىنداعى كوشە قيىلىستارىندا 13 نۇكتەدە 156 كامەرا, مۇنايلى اۋدانىندا 5 نۇكتەدە 60 كامەرا ورناتىلماق.
سونداي-اق, اقتاۋ قالاسىندا 402 قوعامدىق قاۋىپسىزدىك كامەراسى, 50 نۇكتەدە 100 كامەرا, مۇنايلى اۋدانىندا 100 نۇكتەدە 300 بەينەباقىلاۋ كامەراسى بولماق. تەمىر جول وتكەلدەرىندە دە كامەرالار ورناتىلادى.
سونىمەن قاتار, اقتاۋ قالاسىندا ارنايى دەرەكتەردى وڭدەۋ ورتالىعى, مۇنايلى اۋدانىندا جەدەل باسقارۋدىڭ شاعىن ورتالىعى اشىلماق.
قازىرگى ۋاقىتتا «سەرگەك» قوعامدىق جانە جول قاۋىپسىزدىگىنىڭ زياتكەرلىك جۇيەسىن ورناتۋ جۇمىستارى باستالدى. جۇيەنى تولىق ىسكە قوسۋ 2023 جىلدىڭ ءساۋىر ايىنا جوسپارلانعان.