جاڭا جىل ءتۇنى قىزىلوردا وبلىسىندا 18 قىلمىس تىركەلدى. كەزەكشى تاۋلىكتە 8 قىلمىس اشىلدى. وبلىس بويىنشا بارلىعى 429 اكىمشىلىك قۇقىق بۇزۋشىلىق انىقتالدى, دەپ حابارلايدى Egemen.kz.
Polisia.kz Telegram ارناسى تاراتقان مالىمەتكە سايكەس, وبلىس بويىنشا بارلىعى 429 اكىمشىلىك قۇقىق بۇزۋشىلىق انىقتالعان. اتاپ ايتقاندا, قوعامدىق ورىنداردا ماس كۇيدە بولعان - 17 تۇلعا, تۇنگى تىنىشتىقتى بۇزعان - 18 ادام.
«جول قاۋىپسىزدىگىن قامتاماسىز ەتۋ باعىتىندا جىلدامدىقتى شامادان تىس اسىرعان - 34, جاياۋ جۇرگىنشىلەرگە جول بەرمەگەن - 7 جۇرگىزۋشى انىقتالىپ, ءتيىستى اكىمشىلىك شارا قارالدى. سونىمەن قاتار ماس كۇيىندە كولىك تىزگىندەپ, جول ەرەجەسىن بۇزعان جۇرگىزۋشىلەر دە جاۋاپقا تارتىلدى. جەكە قۇراممەن اتقارىلعان جۇمىستاردىڭ ناتيجەسىندە توتەنشە جاعدايعا جول بەرىلگەن جوق», دەدى قىزىلوردا وبلىسى پوليتسيا دەپارتامەنتىنىڭ باستىعى پوليتسيا پولكوۆنيگى مۇحتار قوجاباەۆ.