جاڭا جىلدىڭ كەلۋىنە وراي قازاقستاندىقتار ءتورت كۇن دەمالادى. CTS-تە بۇل كۇندەرى قالادا اۆتوبۋستاردىڭ قالاي جۇرەتىنى ايتىلدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
كولىكتىك قىزمەت كورسەتۋدىڭ وڭتايلى دەڭگەيىن قامتاماسىز ەتۋ ماقساتىندا مەرەكە كۇندەرى ەلوردانىڭ قوعامدىق كولىگى كەلەسىدەي جۇرەتىن بولادى:
2023 جىلعى 1 قاڭتاردا بارلىق قالالىق مارشرۋتتار مەن قالا ماڭىنداعى مارشرۋتتار شىعادى. №303, 304, 306, 307, 320, 323, 326 1-كەستە ارقىلى تاڭعى 10:00-گە دەيىن جۇزەگە اسىرىلادى. ساعات 10.00-دەن كەيىن قوزعالىس شتاتتىق كەستە بويىنشا بولادى.
قالا ماڭىنداعى مارشرۋتتار - №302, 305, 308, 309, 310, 311, 312, 313, 314, 315, 316, 317, 318, 319, 321, 322, 327 - قوزعالىس دەمالىس كۇنىنىڭ شتاتتىق كەستەسى بويىنشا تاڭعى 10.00-دەن باستالادى.
2023 جىلدىڭ 2 جانە 3 قاڭتارىندا دەمالىس كەستەسى دە جۇمىس ىستەيدى.
كەلەسى كۇندەرى قوعامدىق كولىكتىڭ جۇمىسى قولدانىستاعى قوزعالىس كەستەسىنە سايكەس شتاتتىق رەجيمدە قامتاماسىز ەتىلەدى.