استانا قالالىق ءماسليحات حاتشىسى ەرلان كاناليموۆ پەن ءماسليحات دەپۋتاتتارى جانە ءبىلىم باسقارماسىنىڭ باسشىسى قاسىمحان سەنعازىەۆ قالاداعى №2 پسيحولوگيالىق-پەداگوگيكالىق تۇزەۋ كابينەتى مەن №1 ارنايى مەكتەپ-ينتەرناتىنا بارىپ, بۇلدىرشىندەردى كەلە جاتقان جاڭا جىل مەرەكەسىمەن قۇتتىقتادى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
الدىمەن №2 پسيحولوگيالىق-پەداگوگيكالىق تۇزەۋ كابينەتىندە وتكەن شىرشا تويىندا ءداستۇرلى تۇردە ورتاعا اياز اتا مەن اقشاقار شاقىرىلدى. ءارتۇرلى ەرتەگى كەيىپكەرلەرىنە ۇقساپ كيىنگەن بالالار اياز اتاعا تاقپاق ايتىپ, ءتاتتى الۋعا اسىقتى. ىزىنشە مۋلفيلم كەيىپكەرلەرى ورتاعا شىعىپ, بالالارمەن بىرگە بيلەي كەتتى. شىرشا شامدارى جاعىلىپ, مەرەكەنى اسىعا كۇتكەن بالالار ءوز ونەرلەرىن كورسەتتى.
استانا قالالىق ءماسليحات حاتشىسى ەرلان كاناليموۆ بالالاردى كەلە جاتقان مەرەكەمەن قۇتتىقتاپ, ەرەكشە بالالارعا ۋاقىتىلى جاعداي جاساۋ باستى مىندەت ەكەنىن اتاپ ءوتتى.
«جاڭا جىل قارساڭىندا بالالاردىڭ شىرشا تويىنا قاتىسىپ وتىرعانىما وتە قۋانىشتىمىن. بۇل بالالار اسىعا كۇتەتىن مەرەكە دەپ ايتساق بولادى. بالالاردان بولەك ۇلكەندەر دە جاڭا جىلعا ءوز ماقساتىن جوسپارلاپ جاتادى. جاڭا جىلدا ءار بالاعا باقىتتى بالالىق شاق تىلەيمىن. دەنساۋلىقتارىڭىز مىقتى بولىپ, ارقاشان ك ۇلىپ-ويناپ جۇرە بەرىڭىزدەر. وسى ورايدا وزىمىزبەن بىرگە ءتاتتى سىيلىقتار الىپ كەلگەنىمىزدى ايتا وتەيىن. جاڭا جىلدا ءار بالانىڭ ارمانى ورىندالسىن دەگىم كەلەدى.
جالپى ءبىزدىڭ قالامىزدا ەرەكشە كۇتىم مەن جاعدايدى قاجەت ەتەتىنىن 16 مىڭعا جۋىق بالا بار. ولارعا ۋاقىتىلى جاعداي جاساۋ ءبىزدىڭ باستى مىندەتىمىز», دەدى ەرلان كاناليموۆ.
ايتا كەتەيىك, №2 پسيحولوگيالىق-پەداگوگيكالىق تۇزەۋ كابينەتى 0-18 جاس ارالىعىنداعى ءارتۇرلى دەرتكە شالدىققان 280 بالاعا تەگىن كومەك كورسەتەدى. 2014 جىلى اشىلعان مەكەمەدە پەداگوگ-پسيحولوگ, دەفەكتولوگ, لوگوپەد جانە لفك ماماندارى بار. ولار ەكى اۋىسىم بويىنشا جانە ءار بالانىڭ دياگنوزىنا بايلانىستى جۇمىس ىستەيدى.
بالالاردى جاڭا جىل مەرەكەسىمەن قۇتتىقتاۋ №1 ارنايى مەكتەپ-ينتەرناتىندا جالعاستى. شىرشا تويىندا قالالاق ءبىلىم باسقارماسىنىڭ باسشىسى قاسىمحان سەنعازىەۆ تاربيەلەنۋشى بالالاردى كەرەمەت توسىن سىي مەن تاتتىگە تولى مەرەكەمەن قۇتتىقتادى.
«جاڭا جىل ەڭ الدىمەن بالالار مەن بۇلدىرشىندەرگە قۋانىش سىيلايتىن مەرەكە. ءتاتتى سىيلىقتار بالالاردىڭ كوڭىل كۇيىن كوتەرەدى. باستىسى مىقتى دەنساۋلىق تىلەيمىن, ارقاشان اتا-انالارى مەن اتا-اجەلەرىنىڭ كوز قۋانىشى بولىپ جۇرە بەرىڭدەر. ءبىز جاڭا جىل مەرەكەسىنە وراي ءارتۇرلى ءىس-شارالاردى ۇيىمداستىرىپ كەلەمىز. وتكەن دەمالىستا پرەزيدەنت جانە قالا اكىمىنىڭ شىرشا تويىن وتكىزدىك. ءبىز قاشان دا ەرەكشە ءبىلىم الۋدى قاجەت ەتىتىن بالالارعا باستى نازار قويىپ كەلەمىز. قالالىق ءماسليحات دەپۋتتارى قولداۋىمەن ءبىز ءالى دە ارنايى مەكتەپتەرگە بارىپ, بالالاردى قۇتتىقتايتىن بولامىز», دەدى قاسىمحان سەنعازىەۆ.
شىرشا تويىندا قالالىق ءماسليحات حاتشىسى مەن دەپۋتتار بالاقايلارعا مەرەكەلىك ءتاتتى سىيلىقتار تابىستاپ, ەستەلىككە سۋرەتكە ءتۇستى.
بيىل ارنايى مەكتەپ وقۋشىلارى ءۇشىن بىرقاتار مادەني-بۇقارالىق ءىس-شارا ۇيىمداستىرىلعانىن اتاپ وتكەن ءجون. اتاپ ايتقاندا, ويىن-ساۋىق ورتالىقتارى مەن كينوتەاترعا تەگىن بارۋ, قالا اكىمى مەن اۋدان اكىمدەرىنىڭ اتىنان وتكەن شىرشالارعا قاتىسۋ.
ەستەرىڭىزگە سالا كەتەيىك, 25 جەلتوقساندا ەلوردادا مەملەكەت باسشىسىنىڭ اتىنان شىرشا مەرەكەسى وتكىزىلگەن بولاتىن. مەرەكەگە جەتىم بالالار, اتا-اناسىنىڭ قامقورلىعىنسىز قالعان, ەرەكشە قاجەتتىلىكتەرى بار بالالار, الەۋمەتتىك از قامتىلعان جانە كوپبالالى وتباسىلاردان شىققان, دارىندى جانە وقۋدا, سپورتتا, شىعارماشىلىقتا جانە ت.ب. جەتىستىكتەرگە جەتكەن 200 بالا شاقىرىلدى.