دينارا سادۋاقاسوۆا جىلدام شاحماتتان ۆيتسە-چەمپيون اتاندى

تۋرنير ءۇش كۇن بويى – 26-28 جەلتوقسان ارالىعىندا الماتى قالاسىندا ءوتتى.

وعان قىتاي, ءۇندىستان, رەسەي جانە باسقا دا ەلدەردىڭ اتىنان شىققان الەمنىڭ ۇزدىك سپورتشىلارى قاتىستى.

راپيد – ويلاۋدىڭ ۋاقىتى شەكتەۋلى ويىن ءتۇرى. الماتىداعى تۋرنيرلىك قاشىقتىق 11 تۋردان تۇردى.  بەرىلگەن ۋاقىت - بۇكىل ويىن ءۇشىن ءاربىر قاتىسۋشىعا 15 مينۋت + 10 سەكۋند.

تۋرنير بارىسىندا قازاقستاندىق شاحماتشى الەمنىڭ ەڭ مىقتى شاحماتشىلارىنىڭ ءبىرى رەسەيلىك الەكساندرا گورياچكينانى جەڭدى.

تۋرنيرلىك قاشىقتىقتى باعىندىرعان قازاقستان سپورتشىسى قىتايلىق تان چجۋنيمەن بىردەي ۇپاي جينادى - 11 مۇمكىن ۇپايدىڭ 8,5-ءى. وسىلايشا, قىزدار چەمپيوناتتىڭ 1-ءشى جانە 2-ءشى ورىندارىن ءوزارا بولۋگە ءماجبۇر بولدى.

مۇنداي جاعدايلاردا ارقاشان تاي-برەيك وينالادى. ءبىرىنشى ويىندا ەكى سپورتشى تەڭ تۇسسە, ەكىنشى ويىندا دينارا جەڭىلىس تاپتى. ايتا كەتەيىك, تاي-برەيككە دەيىن تان چجۋني دوپينگ-تەست تاپسىرۋدان باس تارتقان ەدى. ويىنداردى ەرتەرەك اياقتاعان دينارا پروتسەدۋرادان ءوتتى.

قازاقستاندىق ەڭ بەدەلدى حالىقارالىق گروسسمەيستەرلەردىڭ ءبىرى - ۋكراينالىق الەكساندر ارەششەنكومەن سەرىكتەستىكتە جۇمىس ىستەيدى. ول دينارانىڭ دايىندىعىن وڭ باعالادى.

ايتا كەتسەك, دينارا سادۋاقاسوۆا 29 جانە 30 جەلتوقساندا الماتىدا وتەتىن بليتستەن الەم چەمپيوناتىنا, سونداي-اق جارىستىڭ رەسمي جابىلۋىنا قاتىسا المايدى.

بۇل رەتتە سپورتشى ارىپتەستەرىنە الداعى ويىنداردا ساتتىلىك تىلەپ, ۇيىمداستىرۋشىلارعا العىسىن ءبىلدىردى.