قازاقستاننىڭ ۇلتتىق بانكى كادەسىي بليستەر جيىنتىعىندا «ساقتاردىڭ ءستيلى» اينالىمداعى بيكولورلى مونەتالارىن شىعارادى, دەپ حابارلايدى Egemen.kz بانكتىڭ ءباسپاسوز قىزمەتىنە سىلتەمە جاساپ.
«ساقتاردىڭ ءستيلى» كادەسىي بليستەر جيىنتىعىندا نومينالى 100 تەڭگەلىك, ماسساسى - 6,45 گرامم, ديامەترى - 24,5 مم بولاتىن brilliant uncirculated دايىنداۋ ساپاسىمەن نيبراسس/نەيزيلبەر قورىتپاسىنان جاسالعان بيكولورلى اينالىمداعى مونەتالاردىڭ بەس ءتۇرى بار. جاڭا جيىنتىق 30 000 دانا تارالىممەن شىعادى.
1.«بۇعى». جالاۋلى قويماسى. جەتىسۋ ء(بىزدىڭ داۋىرىمىزگە دەيىنگى V-III عع.). كوشپەندىلەردىڭ دۇنيەتانىمىندا بۇعى تومەنگى جانە جوعارعى الەمدى بايلانىستىراتىن نىشانعا اينالدى
2. «قاناتتى بارىس». ەسىك قورعانى ء(بىزدىڭ داۋىرىمىزگە دەيىنگى IV-III ع. سوڭى). قار بارىسى – ەرلىك پەن بايلىقتىڭ سيمۆولى.
3. «ماسكا». شىلىكتى. شىعىس قازاقستان ء(بىزدىڭ داۋىرىمىزگە دەيىنگى VIII-VII عع.) وندا وتباسى - وشاق قاسىن قورعايتىن ءۇش كەسكىننىڭ بەينەسى: مىسىق تەكتەس جىرتقىش, ەكى ارقار جانە ۇشاتىن قۇس ماسكاسى كورسەتىلگەن.
4. «بۇعى تۇرىندەگى التىن اشەكەي», جالاۋلى, جەتىسۋ ء(بىزدىڭ داۋىرىمىزگە دەيىنگى V-III عع.). قىزىل بۇعى بەينەسى – مولشىلىق پەن ۇرپاق جالعاسىنىڭ سيمۆولى.
5. «بۇكتەتىلگەن بارىس». تالدى-2. ورتالىق قازاقستان ء(بىزدىڭ داۋىرىمىزگە دەيىنگى VII ع.). بۇكتەتىلگەن بارىس فيگۋراسىنداعى ساقينا ءپىشىنى – ۋاقىتتىڭ اۋىسىمدىق جانە سىرتقى الەممەن ۇيلەسىمدىلىكتىڭ بەلگىسى.
«ساقتاردىڭ ءستيلى» مونەتالارى – زاڭدى تولەم قۇرالى جانە ولار تولەمنىڭ بارلىق ءتۇرى بويىنشا قابىلدانۋعا مىندەتتى.