جاڭا جىل قارساڭىندا ەلوردادا Binom جەلىسىنىڭ التىنشى مەكتەبى ىسكە قوسىلدى. وقۋ ورنى حالىق جازۋشىسى ءابىش كەكىلباەۆتىڭ ەسىمىمەن اتالدى. سالتاناتتى اشىلۋ راسىمىنە قالالىق ءماسليحات دەپۋتاتتارى قاتىستى, دەپ حابارلايدى Egemen.kz.
جاڭا مەكتەپ تۇرار رىسقۇلوۆ كوشەسىندە ورنالاسقان. ەكى اۋىسىمدى مەكتەپ 4 مىڭ وقۋشى ورنىن قامتيدى. بۇعان دەيىن بەس نىساندى ىسكە قوسۋدىڭ ارقاسىندا BINOM ءبىلىم بەرۋ جۇيەسىندەگى جۇكتەمەنى ازايتىپ, 20 مىڭ وقۋشى ورنىنىڭ تاپشىلىعىن جويدى. جوبانى BI Group قۇرىلىس حولدينگى مەن استانا اكىمدىگى مەملەكەتتىك-جەكەشەلىك ارىپتەستىك تەتىگى بويىنشا ىسكە اسىرىپ كەلەدى.
ءابىش كەكىلباەۆتىڭ ەسىمىمەن اتالعان مەكتەپتە ءتيىمدى وقۋ جانە قىزىقتى دەمالىس ءۇشىن بارلىق جاعدايلار قاراستىرىلعان. ءار سىنىپ ينتەراكتيۆتى پانەلدەرمەن جابدىقتالعان. بۇدان باسقا مەكتەپتە روبوت-تەحنيكا كابينەتتەرى, مەتالل جانە اعاش ويۋ شەبەرحانالارى, قىزدارعا ارنالعان شەبەرحانالار, TedxBinom, Speaking Club بار.
سونداي-اق مەكتەپتە فيزيكا, حيميا, بيولوگيا, نانو جانە بيوتەحنولوگيا بويىنشا 9 كەڭەيتىلگەن زەرتحانا بار. وقۋ اۋەسقويلارى ءۇشىن زاماناۋي نوۋتبۋكتەرمەن جابدىقتالعان كىتاپحانا اشىلدى. 100 ورىندىق كينوزال, كوۆوركينگ ايماقتارى مەن تەلەستۋديا دا بار. ايتا كەتسەك, بۇل مەكتەپتە ەرەكشە قاجەتتىلىكتەرى بار بالالاردىڭ قاجەتتىلىكتەرى ەسكەرىلگەن, ماسەلەن عيماراتتا جەدەلساتىلار, پاندۋستار, ۇستەلدەر مەن ۇستەلدەردىڭ رەتتەلەتىن بيىكتىگى, تاكتيلدى تاقتايشالار, شەكتى ەسىكتەر ارنايى جاسالعان.