اقتوبەدە ەسىرتكى زاتتارىن ساقتاعان ەرلى-زايىپتىلار ۇستالدى. پوليتسيا قىزمەتكەرلەرىنىڭ ايتۋىنشا, ولار 15 جىلعا دەيىن باس بوستاندىعىنان ايىرىلۋى مۇمكىن, دەپ حابارلايدى Egemen.kz.
قۇقىق قورعاۋ ورگاندارىنىڭ مالىمەتىنشە, ەرلى-زايىپتىلار 23 جەلتوقساندا ۇستالدى. ءتىنتۋ جۇمىستارى كەزىندە ولاردان ەسىرتكى تاركىلەندى.
«تۇرعىلىقتى جەرى مەن جالعا الىنعان گاراجدى ءتىنتۋ كەزىندە اق ءتۇستى ۇنتاق زاتى بار پوليەتيلەن پاكەتتەر تابىلدى. ساراپتاما قورىتىندىسى بويىنشا تابىلعان زات سالماعى 1,5 كگ مەفەدرون بولىپ شىقتى», دەلىنگەن وبلىستىق پد ءباسپاسوز قىزمەتى تاراتقان حابارلامادا.
اتالعان فاكت قر قك 297-بابىنىڭ 3-بولىگى بويىنشا «ەسىرتكى, پسيحوتروپتىق زاتتاردى, ولاردىڭ انالوگتارىن وتكىزۋ, جونەلتۋ نەمەسە وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ» بويىنشا سوتقا دەيىنگى تەرگەپ-تەكسەرۋ باستالدى.