جىل باسىنان بەرى قازاقستاندىقتارعا مۇگەدەكتىك جانە اسىراۋشىسىنان ايىرىلۋ جاعدايى بويىنشا 402 ملرد تەڭگەدەن استام سوماعا جاردەماقى تولەندى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
2022 جىلدىڭ 11 ايىندا قازاقستاندىقتارعا مۇگەدەكتىك جانە اسىراۋشىسىنان ايىرىلۋ بويىنشا جاردەماقى تۇرىندە 402 ملرد تەڭگەدەن استام قاراجات تولەندى. قاراشا ايىندا رەسپۋبليكالىق بيۋدجەتتەن مۇگەدەكتىگى بويىنشا مەملەكەتتىك الەۋمەتتىك جاردەماقى تولەۋگە - 28,5 ملرد تەڭگە, اسىراۋشىسىنان ايىرىلۋ جاعدايى بويىنشا - 9,3 ملرد تەڭگە ءبولىندى.
1 جەلتوقسانداعى جاعداي بويىنشا مۇگەدەكتىك بويىنشا مەملەكەتتىك الەۋمەتتىك جاردەماقى الۋشىلاردىڭ سانى 527,7 مىڭ, اسىراۋشىسىنان ايىرىلۋ جاعدايى بويىنشا - 184,3 مىڭ ادامعا جەتتى.
«مۇگەدەكتىگى جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىك توبىنا جانە سەبەبىنە, قايتىس بولعان اسىراۋشىنىڭ اسىراۋىنداعى ادام سانىنا, سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنەتىن ەڭ تومەنگى كۇنكورىس دەڭگەيىنە بايلانىستى بولادى», دەلىنگەن ۆەدومستۆو حابارلاماسىندا.
2022 جىلعى 1 جەلتوقسانداعى جاعداي بويىنشا مۇگەدەكتىگى بويىنشا تولەنەتىن مەملەكەتتىك الەۋمەتتىك جاردەماقىنىڭ ورتاشا مولشەرى - 54 062 تەڭگە, اسىراۋشىسىنان ايىرىلۋ جاعدايى بويىنشا تولەنەتىن جاردەماقى - 50 368 تەڭگەنى قۇرادى.
ايتا كەتسەك, مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى 2023 جىلعى 1 قاڭتاردان باستاپ ەڭ تومەنگى كۇنكورىس دەڭگەيىنىڭ ۇلعايۋىنا بايلانىستى 8,5%-عا ارتادى.