پرەزيدەنتتىڭ رەسمي Telegram-ارناسى قاسىم-جومارت توقاەۆتىڭ 2022 جىلعا ارنالعان قىزمەتىنىڭ قورىتىندىسىن جاريالادى, دەپ حابارلايدى Egemen.kz.
مەملەكەت باسشىسىنىڭ ءباسپاسوز قىزمەتى قورىتىندىنى ينفوگرافيكا تۇرىندە ۇسىندى. اتاپ ايتقاندا, پرەزيدەنت وتكەن جىلى 68 زاڭعا, 137 بۇيرىققا, 422 جارلىققا, جەكە جانە زاڭدى تۇلعالاردىڭ وتىنىشتەرى بويىنشا 594 شەشىمگە, 4508 رەسمي قۇجاتقا قول قويدى.
توقاەۆ سونداي-اق 60 جەدەلحات جولدادى, 30 مەملەكەتتىڭ ەلشىلەرىنەن سەنىم گراموتالارىن قابىلدادى, 59 رەت تەلەفون ارقىلى سويلەستى, 7 ۇندەۋ جاسادى, ءبىر رەت كونستيتۋتسيالىق زاڭدارعا جاريا تۇردە قول قويدى.
توقاەۆ 2022 جىلى 19 ەلدىڭ باسشىلارىمەن كەزدەسىپ, ۇشاقتا شامامەن 239 ساعات بولعان. سونداي-اق پرەزيدەنت 16 رەت جۇمىس ساپارىمەن ەلىمىزدىڭ ايماقتارىنا باردى, 14 ەلگە 25 رەت ساپار شەكتى.