استانادا EXPO كورمە كەشەنىنىڭ الاڭىندا «Astana Muz Fest» اۋقىمدى قىسقى فەستيۆالى ءوتىپ جاتىر. ءىس-شارا قالا تۇرعىندارىنىڭ بوس ۋاقىتىن پايدالى وتكىزۋ ءۇشىن ۇيىمداستىرىلدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
قىسقى فەستيۆال 25 جەلتوقسانعا دەيىن جالعاسادى.
ءبىر اپتا ىشىندە EXPO كورمە ورتالىعىنىڭ جانىنداعى مۇز قالاشىعى ەلوردا تۇرعىندارى مەن قوناقتارىنىڭ بوس ۋاقىتىن پايدالى وتكىزۋگە ارنالعان ورىن بولادى. مۇندا كونكيمەن سىرعاناپ, مۇسىندەر مەن فوتوايماقتار جانىندا سۋرەتكە تۇسۋگە بولادى, سول سياقتى قىسقى ءىس-شارالارعا قاتىسا الاسىز – انيماتورلاردىڭ ويىن-ساۋىقتارى مەن ويىندارى, بي جارىستارى, ارقان تارتۋ, بالالاردى كونكي تەبۋگە ۇيرەتۋ, ەستافەتالار جانە ت.ب. ۇيىمداستىرىلادى.
فەستيۆالگە كەلۋشىلەر ءىس-شارالارعا قاتىسقانى ءۇشىن سىيلىقتار ۇتىپ الا الادى.
دەمالىس كۇندەرى, ياعني 24 جانە 25 جەلتوقساندا انيماتورلار بالالار ءۇشىن ەرتەڭگىلىك وتكىزەدى, كاسىبي ماماندارمەن كونكي تەبۋ ساباقتارى ۇيىمداستىرىلادى.
قىسقى فەستيۆال سوڭىندا ۇيىمداستىرۋشىلار كەلۋشىلەر اراسىندا جۇلدەلەر ۇتىس ويىنىن, قازاقستاندىق جۇلدىزداردىڭ: JanSax ساكسوفونشىسى, نورمات دوسىمحاننىڭ تيك-توك جۇلدىزدارى, Mona Songz, Colorit ورىنداۋشىلارى جانە BIP House الماتىلىق تيك-توكەرلەرىنىڭ قاتىسۋىمەن كونتسەرتتىك باعدارلاما وتكىزەدى.