وسكەمەندە جوعالىپ كەتكەن بەس جاسار بالا تابىلدى

21 جەلتوقساندا ساعات 17:13-تە «102» جەدەل ارناسىنا 26 جاستاعى جەرگىلىكتى تۇرعىننان قوڭىراۋ كەلىپ ءتۇستى. ول 5 جاسار ۇلىن ىزدەۋگە كومەك سۇراعان. ايەلدىڭ ايتۋىنشا, بالا كولىكتەن شىعىپ, بەلگىسىز باعىتقا قاشىپ كەتكەن. حابارلامانى العاننان كەيىن پوليتسيا قىزمەتكەرلەرى جوعالعان بالانى ىزدەۋگە دەرەۋ كىرىستى.

بالانى دابىل بويىنشا ىزدەۋ ماقساتىندا وسكەمەن قالاسى پب بارلىق جەكە قۇرامى كوتەرىلدى. ءتارتىپ ساقشىلارى ول تۋرالى قانداي دا ءبىر اقپارات بىلەتىن تانىستارى مەن كۋاگەرلەردەن سۇراۋ جۇرگىزدى. قالانىڭ بارلىق كوشەلەرىندەگى بەينەباقىلاۋ كامەرالارىنىڭ جازباسىن قاراۋ ۇيىمداستىرىلدى.

– 15 مينۋتتان كەيىن بوران-1 پاترۋلدىك ەكيپاجىنىڭ قىزمەتكەرلەرى دامير اۋعانباەۆ پەن جاسۇلان داۋلەتحانوۆ م. گوركي كوشەسىندە ورنالاسقان ۋنيۆەرسيتەتتىڭ ماڭىنان جوعالعان بالانى تاپتى. پوليتسەيلەر تابىلعان بالانى امان-ەسەن اناسىنا تاپسىردى, – دەپ مالىمدەدى وسكەمەن قالاسى پب باستىعى اندرەي مۋلا.

تابىلعان بالانىڭ اناسى وسكەمەن قالاسى پب قىزمەتكەرلەرىنە جانە ىزدەستىرۋگە قاتىسقان بارلىق ازاماتتارعا كورسەتكەن كومەگى ءۇشىن العىس ءبىلدىردى.