قازاقستاندا «اڭساعان ءسابي» باعدارلاماسى اياسىندا 6,5 مىڭ ايەل ەكستراكورپورالدى ۇرىقتاندىرۋدان (ەكۇ) ءوتتى, دەپ حابارلايدى Egemen.kz.
دەنساۋلىق ساقتاۋ ۆيتسە-ءمينيسترى ۆياچەسلاۆ دۋدنيكتىڭ ايتۋىنشا, 2021 جىلى ىسكە قوسىلعان «اڭساعان ءسابي» باعدارلاماسى جىل سايىن ەكۇ راسىمىنە 7000 كۆوتا بەلگىلەيدى.
«بيىل 6,5 مىڭ ايەل باعدارلامامەن قامتىلدى, قالعاندارى كۇتۋ پاراعىندا. بۇرىن ورىندالعان ەكۇ راسىمدەرىنىڭ ناتيجەسىندە «اڭساعان ءسابي» باعدارلاماسى اياسىندا 2654 وتباسىندا كوپتەن كۇتكەن 3110 بالا دۇنيەگە كەلدى», دەپ اتاپ وتتى ۆياچەسلاۆ دۋدنيك.
ونىڭ ايتۋىنشا, جۇكتى ايەلدەر مەن جاڭا تۋعان نارەستەلەرگە كومەك كورسەتۋدى جەتىلدىرۋ ماقساتىندا ەلىمىزدە حالىقارالىق ستاندارتتارعا سايكەس كەلەتىن 11 زاماناۋي پەريناتالدىق ورتالىق سالۋ جوسپارلانعان.