بۇگىن قر پارلامەنتى سەناتىنىڭ كۋلۋارلارىندا ۇلتتىق ەكونوميكا ءمينيسترى الىبەك قۋانتىروۆ قازاقستاندا ءسان-سالتانات سالىعىن ەنگىزۋ مەرزىمىنە قاتىستى تۇسىنىكتەمە بەردى, دەپ حابارلايدى Egemen.kz.
مينيستر اتاپ وتكەندەي, كەلەسى جىلدىڭ ءبىرىنشى توقسانىندا بەيىندى مەملەكەتتىك ورگاندار ءسان-سالتانات سالىعى تۋرالى نورمالاردى قامتيتىن جاڭا سالىق كودەكسىن قۇرۋ بويىنشا بەلسەندى جۇمىس ىستەۋدى جوسپارلاپ وتىر.
«2024 جىلدان باستاپ جوسپارلانىپ وتىر. كەلەسى جىلى ءبىز جاڭا سالىق كودەكسىمەن بەلسەندى جۇمىس ىستەيمىز دەگەن ويدامىن. ونى كۇزگە دەيىن پارلامەنتكە ەنگىزەمىز. سوندا دا كوپ نارسە پارلامەنتكە بايلانىستى بولادى. ازىرگە, ءسان-سالتانات سالىعى جانە جالپى جاڭا سالىق كودەكسى 2024 جىلدان باستاپ ەنگىزىلەدى دەپ بولجاي الامىز», دەدى الىبەك قۋانتىروۆ.