1 جەلتوقسانداعى جاعداي بويىنشا مەملەكەتتىك ەڭبەك ينسپەكتورلارى رەسپۋبليكانىڭ 855 كاسىپورنىندا 19,7 مىڭ جۇمىسكەردىڭ الدىندا 4 ملرد 670,2 ملن تەڭگەدەن استام سوماعا جالاقى بويىنشا بەرەشەكتى انىقتادى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
«كاسىپورىنداردىڭ باسشىلارىنا ورىندالۋى مىندەتتى 865 نۇسقاما بەرىلىپ, 140,8 ملن تەڭگەدەن استام سوماعا ايىپپۇل سالىندى. قابىلدانعان شارالار, سونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋ ناتيجەسىندە 18,4 مىڭنان استام جۇمىسكەردىڭ قۇقىعى قورعالدى. ولارعا 4 ملرد 448,6 ملن تەڭگە تولەندى», دەلىنگەن مينيسترلىك مالىمەتىندە.