الماتىنىڭ پاترۋلدىك پوليتسەيلەرى ءىرى ەسىرتكى ساتۋشىسىن ۇستادى, دەپ حابارلايدى Egemen.kz.
الماتى پوليتسياسىنىڭ حابارلاۋىنشا, «اقساي» ىقشاماۋدانىندا «بۋران-082» پاترۋلدىك بريگاداسى پوليتسيا قىزمەتكەرلەرىن كورىپ, جاسىرىنباق بولعان جاس جىگىتتى بايقاعان. ءتارتىپ ساقشىلارى ەر ادامدى قاماۋعا الدى. ول وزىمەن بىرگە ەسىرتكىنىڭ بار ەكەنىن مويىندادى. ودان ۇنتاقتى زاتى بار 80 پوليەتيلەن بايلامى تاركىلەندى.
«ۇستالعاننىڭ ءوزى پاكەتتەردە سينتەتيكالىق ەسىرتكى زاتى «speed» بولعانىن ناقتىلادى. سونداي-اق ول قالانىڭ ءار جەرىندەگى بەتبەلگىلەر ارقىلى ەسىرتكى تاراتۋشى ەكەنىن ءتۇسىندىردى. قازىرگى ۋاقىتتا تاركىلەنگەن زاتتارعا سوت-حيميالىق ساراپتاما تاعايىندالدى. جەدەل بولىمشەلەر مەگاپوليستە ەسىرتكىنى جەتكىزۋ ارناسى مەن تارالۋ جولىن بەلگىلەيدى», دەدى الماتى قالاسى پاترۋلدىك پوليتسيا پولكىنىڭ كومانديرى باۋىرجان حانتەميروۆ.
اتالعان دەرەك قازاقستان رەسپۋبليكاسى قىلمىستىق كودەكسىنىڭ 296-بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى.