ۇلتتىق اكادەميالىق كىتاپحانادا تۇركسوي حالىقارالىق ۇيىمىنىڭ مەرەيتويلىق ءبىلىم بەرۋ اياسىندا «تۇركسوي: ىنتىماقتاستىق پەن جاسامپازدىققا 30 جىل» اتتى حالىقارالىق كىتاپ-يلليۋستراتسيالىق كورمەسى اشىلدى.
ءىس-شاراعا تۇركسوي حالىقارالىق ۇيىمىنىڭ باس حاتشىسى سۇلتان راەۆ, «وتانداستار قورى» كوممەرتسيالىق ەمەس اكتسيونەرلىك قوعامىنىڭ پرەزيدەنتى ابزال ساپاربەك ۇلى, يۋنۋس ەمرە اتىنداعى تۇرىك مادەني ورتالىعىنىڭ ديرەكتورى الماگۇل يسينا, پروفەسسور, تۇركولوگ قارجاۋباي سارتقوجا ۇلى, فيلولوگيا عىلىمدارىنىڭ دوكتورى, ۇعا اكادەميگى شەرۋباي قۇرمانباي ۇلى, باسقا دا زيالى قاۋىم وكىلدەرى قاتىستى.
«بۇگىندە قاناتىن كەڭگە جايعان, تۇركى مەملەكەتتەرى اراسىنداعى مادەني-رۋحاني كوپىرگە اينالعان تۇركسوي – تۇركى دۇنيەسىندەگى العاشقى ۇيىم بولدى. كەلەسى جىلى حالىقارالىق ۇيىمنىڭ قۇرىلعانىنا 30 جىل تولادى. ونىڭ دىڭگەگى سوناۋ 1993 جىلى قازاق جەرىندە – الماتى قالاسىندا قالاندى. سول سەبەپتەن دە, تۇركى كەڭىستىگىندە قاۋقارلى, بەدەلدى ۇيىمنىڭ تاريحىندا قازاقستاننىڭ ساياسي ماڭىزى ۇلكەن. تۇركى حالىقتارىن قاي سالادا دا بىرىكتىرە الاتىنىن تۇركسوي وتكەن وتىز جىلدىڭ بەدەرىندە دالەلدەدى. وعان قانشاما اتقارىلعان ىرگەلى ىستەر مەن باستامالار, تىڭ جوبالار, ەسەپسىز ءىس-شارالار تىزبەگى كۋا. الداعى مەرەيتويعا وراي قازاقستاندا بىرقاتار ءىس-شارا جوسپارلانىپ وتىر. ماسەلەن, سۇلتان بايبارىستىڭ 800 جىلدىعى, ودان بولەك 2023 جىل – تۇركسوي اياسىندا كورنەكتى مەملەكەت جانە قوعام قايراتكەرى, قازاق رۋحانياتىنىڭ دامۋىنا زور ۇلەس قوسقان ۇلتجاندى تۇلعانىڭ 125 جىلدىعىنا وراي «تەمىربەك جۇرگەنوۆ جىلى» دەپ جاريالاندى», دەدى سۇلتان راەۆ.
كورمەگە تۇركسوي حالىقارالىق ۇيىمىنىڭ قۇرىلعانىنا 30 جىل تولۋى قارساڭىندا جاريالانعان تۇركىتىلدەس اۆتورلاردىڭ شىعارمالارى, بالالار ادەبيەتىنىڭ يلليۋستراتسيالانعان باسىلىمدارى, وقىرمانداردىڭ كەڭ اۋقىمىنا ارنالعان عىلىمي-كوپشىلىك كىتاپتار ۇسىنىلدى.