بيىلعى 11-17 جەلتوقسان كۇندەرى ارالىعىندا شىمكەنتتەگى «وتىرار» ۋنيۆەرسيتەتىنىڭ سپورت كەشەنىندە ۆولەيبولدان جوعارى ليگاداعى ايەلدەر اراسىنداعى XXX چەمپيوناتتىڭ ءىى تۋر ويىندارى وتكەن بولاتىن.
وعان ەلىمىزدەن 6 كوماندا قاتىستى. اتاپ ايتقاندا, شىمكەنتتىڭ «شىمكەنت», تارازدىڭ «تاراز», ورالدىڭ «گراتسيا KZ», اقتوبەنىڭ «اقتوبە», اتىراۋدىڭ «اتىراۋ», قاراعاندى وبلىسىنىڭ «ەليسەەۆسكيە لاستوچكي» كوماندالارى باق سىناستى.
دەيتۇرعانمەن, بۇل سىندا الاڭ يەلەرى شاپشاڭدىق تانىتىپ, قارسىلاستارىنان باسىم ەكەندىكتەرىن كورسەتتى. جالپى, 5 كەزدەسۋ وتكىزگەن جەرگىلىكتى كوماندا 4 ويىندا جەڭىسكە جەتىپ, تەك ءبىر ويىندا عانا ەسە جىبەرىپ الدى. ءاربىر كەزدەسۋدە شىمكەنتتىڭ ۆولەيبولشى قىزدارى جارىسقا جان-جاقتى دايىندالعانىن بايقاتىپ, جەڭىسكە جەتۋ جولىندا ەرلىك جاسادى دەۋگە بولادى.
سونىمەن ءىى تۋردىڭ قورىتىندىسى بويىنشا 28 ۇپاي جيناعان ءۇشىنشى مەگاپوليستىڭ كومانداسى ءبىرىنشى ورىن الدى. ال 24 ۇپاي ەنشىلەگەن «تاراز» ارۋلارى ەكىنشى ورىنعا تۇراقتادى. قورجىنىنا 19 ۇپاي جيىپ ۇلگەرگەن ورالدىق «گراتسيا KZ» قۇراماسى بولسا, ءۇشىنشى ورىندى مىسە تۇتتى. ەندىگى كەزەكتە بارلىق قارسىلاس كوماندالار باتىس قازاقستان وبلىسىنىڭ ورتالىعى ورال قالاسىندا ءىىى تۋر ويىندارىندا كەزدەسەتىن بولادى.