قازاقستاننىڭ اۋعانستانداعى ەلشىسى ءالىمحان ەسەنگەلديەۆ بۇۇ-نىڭ اۋعانستانعا جاردەمدەسۋ جونىندەگى ميسسياسىنىڭ (بۇۇاجم) وكىلدەرىمەن بىرلەسىپ پاكتيكا پروۆينتسياسىنىڭ بارمال ۋەزىنە باردى, دەپ حابارلايدى Egemen.kz.
ساپاردىڭ ماقساتى - جويقىن جەر سىلكىنىسىنەن زارداپ شەككەندەرگە قازاقستاننىڭ بۇۇاجم ارقىلى بۇرىن جىبەرگەن گۋمانيتارلىق كومەكتىڭ ءبىر بولىگىن (كيىم, توسەك, ماتراتستار, كورپەلەر, شاعىن پەشتەر جانە ت.ب.) بەرۋ. ساپار بارىسىندا اتالعان گۋمانيتارلىق كومەك ۆارا, سۋبحا-حەل, دەۆاري جانە راگزاي ءتورت ەلدى مەكەندەرىنىڭ اقساقالدارى مەن وكىلدەرىنە بەرىلدى.
اقساقالدار مەن ەلدى مەكەندەردىڭ وكىلدەرى قازاقستان پرەزيدەنتى قاسىم-جومارت توقاەۆقا, قر ۇكىمەتى مەن قازاقستان حالقىنا اۋعانستان حالقىنا اۋىر جاعدايداعى ۇندەۋى جانە ەلەۋلى كومەك كورسەتكەنى ءۇشىن ريزاشىلىقتارىن ءبىلدىردى.