سەناتتىڭ قارجى جانە بيۋدجەت كوميتەتىنىڭ دەپۋتاتتارى قازاقستان رەسپۋبليكاسى قارجى مينيسترلىگىنىڭ باسشىلىعىمەن كەزدەسۋ وتكىزدى. وتىرىس بارىسىندا ءومىرى قيىن جاعدايعا تاپ بولعان جانە ءوزىنىڭ بورىشىن وتەۋگە مۇمكىندىگى جوق ازاماتتاردىڭ پروبلەمالارىن شەشۋ بويىنشا وزەكتى ماسەلەلەر تالقىلاندى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
«مەملەكەت باسشىسى ۇكىمەتتىڭ كەڭەيتىلگەن وتىرىسىندا قازاقستاندىقتارعا بەرىلەتىن نەسيە ماسەلەسىن شەشۋ ءۇشىن 2023 جىلعى 1 قاڭتاردان باستاپ «جەكە تۇلعالاردى وڭالتۋ جانە بانكروتتىق تۋرالى» زاڭدى قولدانىسقا ەنگىزۋ قاجەتتىگىن ايتتى. بۇل باستاما ءبىزدىڭ ەلىمىز ءۇشىن اسا ماڭىزدى. جەكە تۇلعانىڭ بانكروتتىعى – ازاماتتىڭ نەسيە بەرۋشىلەر الدىنداعى قارىزدارىن تولىعىمەن وتەۋ نەمەسە مىندەتتى تولەمدەر جاساۋعا زاڭدى قابىلەتسىزدىگىن انىقتاۋ مۇمكىندىگى, سونداي-اق كوپتەگەن ادامدار ءۇشىن قارجىلىق قيىندىقتاردان شىعۋ, تۇرعىن ءۇي, كوممۋنالدىق تولەمدەر بويىنشا بەرەشەكتى جانە باسقا دا مىندەتتەمەلەردى ەسەپتەن شىعارۋ مۇمكىندىگى بولادى», دەدى سەناتور سەرىكباي ترۇموۆ.
كەزدەسۋگە جوعارعى سوتتىڭ, قارجى, ەڭبەك جانە حالىقتى الەۋمەتتىك قورعاۋ, ادىلەت مينيسترلىكتەرىنىڭ, قارجى نارىعىن رەتتەۋ جانە دامىتۋ اگەنتتىگىنىڭ, ۇلتتىق بانكتىڭ جانە باسقا دا بىرقاتار ۇيىمنىڭ وكىلدەرى دە قاتىستى.
سەناتورلار وتىرىس قورىتىندىسى بويىنشا كوتەرىلگەن ماسەلەلەردىڭ ءبارى كوميتەت دەپۋتاتتارى تاراپىنان زاڭ شىعارۋ قىزمەتى اياسىندا نازارعا الىناتىنىن اتاپ ءوتتى.