قازاقستاننىڭ ءبىرىنشى, الەمنىڭ 21-راكەتكاسى ەلەنا رىباكينا دۋبايداعى ء(باا) World Tennis League تۋرنيرىنە قاتىسىپ جاتىر.
كۇنى كەشە جالاۋى جەلبىرەگەن تۋرنيردە تەننيسشىلەر ءتورت توپقا («بۇركىتتەر», «سۇڭقارلار», «قارشىعالار», «اۋە جىلاندارى») ءبولىنىپ, 18 ويىنشى ونەر كورسەتەدى. ۋيمبلدون چەمپيونى ە.رىباكينا «قارشىعالار» توبىندا گەرمانيالىق الەكساندر زۆەرەۆ, اۋستريالىق دومينيك تيم جانە ەستونيالىق انەتت كونتاۆەيتپەن بىرگە وينايدى. بارلىق توپ ءبىر-بىرىمەن كەزدەسەدى. ەڭ ۇزدىك ەكى توپ فينالدا كىم مىقتىنى انىقتايدى. ءار باسەكە ءۇش ويىننان تۇرادى, بىرەۋى ەرلەر, ەكىنشىسى ايەلدەر اراسىندا, ءۇشىنشىسى ارالاس جۇپتا (ميكست) بولادى.
جەرلەسىمىز بۇگىن الەمنىڭ بەسىنشى راكەتكاسى, بەلارۋس وكىلى ارينا سوبولەنكومەن سىنعا تۇسەدى. ەكى كۇننەن كەيىن رىباكينا زۆەرەۆپەن بىرگە كانادالىقتار فەليكس وجە-الياسسيم – ەجەني بۋشارمەن كورتقا شىعادى. 23 جەلتوقساندا الەمنىڭ 4-راكەتكاسى فرانتسيالىق كارولين گارسيامەن شەبەرلىك بايقاسادى.