پرەزيدەنت قاسىم-جومارت توقاەۆ قاتار ءامىرى شەيح ءتاميم بەن حاماد ءال ءتانيدى فۋتبولدان الەم چەمپيوناتىن جوعارى دەڭگەيدە ۇيىمداستىرۋىمەن قۇتتىقتادى, دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.
بۇل جاھاندىق سپورتتىق شارا قاتاردىڭ دامىعان ءارى بەيبىتسۇيگىش ەل رەتىندە الەۋەتى مول ەكەنىن پاش ەتتى.
تاراپتار, ەڭ الدىمەن, ساۋدا-ەكونوميكالىق جانە ينۆەستيتسيالىق سالالارداعى ەكىجاقتى ىنتىماقتاستىقتى نىعايتۋ پەرسپەكتيۆالارىن جوعارى باعالادى. وسى رەتتە قاتار ءامىرىنىڭ جۋىردا استاناعا جاساعان مەملەكەتتىك ساپارى بارىسىندا قول جەتكىزىلگەن ۋاعدالاستىقتاردى ءتيىمدى جۇزەگە اسىرۋدىڭ ماڭىزدى ەكەنى اتاپ ءوتىلدى.
اڭگىمەلەسۋ بارىسىندا ەكىجاقتى ساۋدانى جانداندىرۋ جانە ەكونوميكانىڭ ءتۇرلى سالالارىندا بىرلەسكەن ينۆەستيتسيالىق جوبالاردى جۇزەگە اسىرۋ قاجەتتىگى جونىندە ايتىلدى.
سونىمەن قاتار مەملەكەت باسشىسى بىرلەسكەن كۇش-جىگەردىڭ ناتيجەسىندە قاتار قازاقستانداعى ەڭ ءىرى ون ينۆەستوردىڭ قاتارىنا كىرەتىنىنە سەنىم ءبىلدىردى.