كاسىپقوي تەننيسشىلەر قاۋىمداستىعى (ATP) مەن ايەلدەر تەننيس قاۋىمداستىعى (WTA) رەيتينگتەرىنىڭ جاڭارتىلعان نۇسقاسى بەلگىلەندى, دەپ حابارلايدى Egemen.kz Sports.kz سايتىنا سىلتەمە جاساپ.
الەمنىڭ ءبىرىنشى راكەتكاسى اتاعىن يسپاندىق كارلوس الكاراس ساقتاپ قالدى, ەكىنشى ورىندا ونىڭ وتانداسى رافاەل نادال, ءۇشىنشى ورىندى نورۆەگيالىق كاسپەر رۋد يەلەندى.
قازاقستاندىق الەكساندر بۋبليك 37-ورىندا, ال تيموفەي سكاتوۆ 142-ورىندى ساقتاپ قالدى, ميحايل كۋكۋشكين ءۇش ساتىعا تومەن ءتۇسىپ, 188-ورىنعا جايعاستى.
جۇپتىق رەيتينگتە گوللانديالىق تەننيسشى ۋەسلي كۋلحوفف پەن بريتاندىق نيل سكۋپسكي بۇرىنعىسىنشا ءبىرىنشى ورىندا, ال امەريكالىق رادجيۆ رام ءۇشىنشى ورىندا.
قازاقستاندىق اندرەي گولۋبەۆ پەن الەكساندر نەدوۆەسوۆ سايكەسىنشە 47 جانە 50-ءشى قاتاردا. باگەل 170-ورنىندا.
ايەلدەر تەننيسى قاۋىمداستىعىنىڭ (WTA) جاڭارتىلعان نۇسقاسى بويىنشا جەكە جانە جۇپتىق سىندا پولشالىق يگا سۆياتەك ءبىرىنشى, تۋنيستىك تەننيسشى ونس دجابەر ەكىنشى, امەريكالىق دجەسسيكا پەگۋلا ءۇشىنشى ورىندا.
قازاقستاننىڭ ءبىرىنشى راكەتكاسى ەلەنا رىباكينا جاعدايدى وزگەرتپەي, 21-بولىپ قالدى. يۋليا پۋتينتسەۆا 51-ورىندا.
جۇپتىق سايىستا چەحيالىق كاتەرينا سينياكوۆا كوش باستاپ تۇرسا, رەسەيلىك ۆەرونيكا كۋدەرمەتوۆا جانە چەحيالىق تاعى ءبىر سپورتشى باربورا كرەيچيكوۆا ءۇشىنشى ورىندا.
قازاقستاندىق اننا دانيلينا 11-ورىندا, ال جىبەك قۇلامباەۆا 201-ورىندا تۇر.