بۇل كۇندەرى كانادانىڭ كالگاري قالاسىندا كونكيمەن جۇگىرۋدەن الەم كۋبوگىنىڭ ءتورتىنشى كەزەڭى ءوتىپ جاتىر. جارىستىڭ ەكىنشى كۇنىندە قازاقستاندىق نادەجدا موروزوۆا 1500 مەتر قاشىقتىقتا مارە سىزىعىن ءۇشىنشى بولىپ كەستى.
سپورتتى دامىتۋ ديرەكتسياسىنىڭ ءباسپاسوز قىزمەتى ۇسىنعان مالىمەتكە سۇيەنسەك, اتالعان جارىستا وتانداسىمىز 1000 مەترگە جارىسۋدا بيىلعى بەيجىڭ وليمپياداسىنىڭ چەمپيونى جاپونيالىق ميحو تاكاگي مەن ءدال وسى قاشىقتىقتاعى قولا جۇلدەگەر نيدەرلاندىق انتۋانەتتا دە يونگكە ەسە جىبەرىپ, الەم كۋبوگى جارىسىنىڭ قولا جۇلدەسىنە قول جەتكىزدى.
نادەجدا وسىدان تۋرا ءبىر اپتا بۇرىن ءدال وسى كالگاريدە وتكەن الەم كۋبوگىنىڭ ءۇشىنشى كەزەڭىندە 1500 مەتردە مارە سىزىعىن ميحي تاكاگيدەن كەيىن كەسىپ, كۇمىس جۇلدەنى يەلەنگەن بولاتىن. قولا مەدال انتۋانەتتا دە يونگكە بۇيىرعان ەدى. الەم كۋبوگىنىڭ بەسىنشى كەزەڭى 2023 جىلدىڭ 10-12 اقپانى ارالىعىندا پولشانىڭ توماشۋۆ-مازوۆەتسكي قالاسىندا وتەدى.