ارالاس جەكپە-جەكتەن اقش-تىڭ لاس-ۆەگاس قالاسىندا ۇيىمداستىرىلعان UFC Fight Night كەشىندە قازاقستاندىق فايتەر سەرگەي موروزوۆ (19-5) اتالعان ۇيىمداعى ءۇشىنشى جەڭىسىنە قول جەتكىزدى.
جەكپە-جەك كەشىنىڭ شىمىلدىعىن 33 جاستاعى جەرلەسىمىز س.موروزوۆ پەن جەرگىلىكتى سپورتشى دجۋرني نيۋسون (10-4-0-1) اشىپ بەردى. ءۇش راۋندقا جوسپارلانعان العاشقى ايقاستا جەرلەسىمىز قارسىلاسىنا قاراعاندا ءدال سوققىلاردى كوپ جۇمساپ, ناتيجەسىندە ءۇش تورەشى دە جەڭىستى ءبىراۋىزدان وتانداسىمىزعا بەردى – 30-27, 29-28, 29-28. بۇل – سەرگەيدىڭ UFC ۇيىمىنداعى ءۇشىنشى جەڭىسى. بۇعان دەيىن ول بەس ايقاستا قارسىلاسىنان جەڭىلگەن ەدى.
وكىنىشكە قاراي, UFC-دە ونەر كورسەتەتىن ورىنبوردىڭ قازاعى دامير يسماعۇلوۆ (24-2) بۇل كەشتە جەڭىلىپ قالدى. الەمدىك رەيتينگتە توعىزىنشى ورىندا تۇرعان ارمان تسارۋكيانمەن (19-3) جۇدىرىقتاسقان دامير ءۇش تورەشىنىڭ ءبىراۋىزدان شىعارعان شەشىمىمەن قارسىلاسىنا جول بەردى.