قازاقستان قارۋلى كۇشتەرىنىڭ مەملەكەتتىك اسكەري-تاريحي مۇراجايىندا «جەلتوقسان جەلى ىزعارلى» اتتى ەكسپوزيتسياسىنىڭ اشىلۋى ءوتتى, دەپ حابارلايدى Egemen.kz.
كورمەنىڭ اشىلۋ سالتاناتىنا قارۋلى كۇشتەردىڭ اسكەري قىزمەتشىلەرى مەن ارداگەرلەرى, قوعام وكىلدەرى, سونداي-اق 1986 جىلعى جەلتوقسان وقيعاسىنا قاتىسۋشىلار قاتىستى.
ءىس-شارا بارىسىندا ۇلتتىق اسكەري-پاتريوتتىق ورتالىعىنىڭ ورتالىق ءانسامبلى مەن ورتالىق اسكەري وركەسترى ارتىستەرىنىڭ ورىنداۋىندا اسكەري-پاتريوتتىق تاقىرىپتاعى مۋزىكالىق كومپوزيتسيالار مەن اندەر شىرقالدى.
كورمەگە تاۋەلسىزدىك تاريحى مەن قازاقستاننىڭ دەربەس دامۋ جولىنداعى جەتىستىكتەرىنە ارنالعان مۇراعاتتىق قۇجاتتار مەن فوتوسۋرەتتەر جانە باسقا دا ەكسپوناتتار قويىلعان.
كورمە دۇيسەنبىدەن باسقا كۇندەرى كۇن سايىن ساعات 10.00-دەن 17.00-گە دەيىن جۇمىس ىستەيدى. كىرۋ تەگىن.