سولتۇستىك قازاقستان وبلىسىنا جاقىندا تاعايىندالعان اكىم ايداربەك ساپاروۆ جىلدى قورىتىندىلايتىن, تاۋەلسىزدىك پەن جاڭا جىل مەرەكەسىن قارسى الاتىن قىسىلتاياڭ كەزەڭگە قاراماي ۋاقىت تاۋىپ, اقساقالدارعا سالەم بەرىپ, ولاردىڭ الدىندا كىشىلىك تانىتتى, دەپ جازادى Egemen.kz.
قازىر «اقساقالداردى سىيلاۋ كەرەك, سالت-داستۇرىمىزدەن ايىرىلماۋىمىز كەرەك» دەگەندى ءجيى ۇرانداتىپ جاتساق تا سونى ورىندايتىن اكىمدەر از. ءبارى دە بۇگىنگى كۇننىڭ شىرعالاڭىمەن ەجەلگى ءداستۇردىڭ ماڭىزىن ۇمىتىپ كەتىپ جاتادى. تەك جىلىگىندە تەكتىلىك بار, كورگەندى ازاماتتار عانا مۇندايدان اتتامايدى. قازاق قوعامى ەشقاشان دا اقساقالداردىڭ ءسوزىن, پايدالى لەبىزىن اياققا باسپاعان. سونىڭ ارقاسىندا باسىنان باق تايماعان. ايداربەك ساپاروۆ سونى ەسكەرەتىن جىگىت ەكەنىن كورسەتتى.
«بۇگىن ءوڭىرىمىزدىڭ اقساقالدارىمەن كەزدەسىپ, باتاسىن الدىم. وبلىستىڭ دامۋىنا كوپ ۇلەس قوسقان اعا بۋىننىڭ بىزگە ايتار اقىل-كەڭەستەرى كوپ. قاريالاردى وبلىستىڭ دامۋ جوسپارىمەن تانىستىرىپ, جۇزەگە اسىرىلاتىن جوبالار تۋرالى دا ايتتىم. ارداگەرلەر ءار سالانى جاقسارتۋ بويىنشا ءبىرشاما جاقسى, پايدالى ۇسىنىستار ايتتى. بارلىق ۇسىنىستاردى قابىلداپ, ءوڭىردى دامىتۋ جوسپارىنا قوسامىز», دەپ جازدى ءوزىنىڭ تۆيتتەردەگى پاراقشاسىندا.
جاڭا اكىمنىڭ جاقسى قادامىنا اقساقالدار دا رازى بولىپ, وتكەن كۇندەردىڭ ورنەكتى كەزەڭدەرىن ەسكە الىپ, ريزا كوڭىلمەن تاراستى.