قازاقستاننىڭ پاراتاەكۆوندوشىلارى ساۋد ارابياسىنىڭ باس شاھارى – ەر-ريادتا وتكەن گران-پري ءتۋرنيرىنىڭ فينالدىق كەزەڭىن قوس قولا مەدالمەن قورىتىندىلادى.
فينالدىق كەزەڭدە ەڭ تاڭداۋلى دايان شەبەرلەرى عانا باق سىنايتىنى بەلگىلى عوي. سول سەبەپتى ساۋد ارابياسىنا 25 مەملەكەتتەن كەلگەن 75 سپورتشى ونەر كورسەتۋ قۇرمەتىنە يە بولدى. سولاردىڭ قاتارىندا نۇرلان دومباەۆ (80 كيلو) پەن نىشان ءومىرالى (+80 كيلو) سىندى قانداستارىمىز دا بار. ك-44 ساناتىندا سايىسقا تۇسكەن ولاردىڭ ەكەۋى دە قولا مەدال يەلەندى. پاراتاەكۆوندودان قازاقستان قۇراماسىنىڭ باس باپكەرى نۇرجان ەسىلباەۆتىڭ ايتۋىنشا, ءبىزدىڭ جىگىتتەر اتالعان دوداعا وتە جاقسى دايارلىقپەن كەلدى. قازىرگى كەزدە الەمدىك رەيتينگتە نۇرلان كوش باستاپ تۇرسا, نىشان ءتورتىنشى ورىندا تۇر.
ال سونىڭ الدىندا عانا ءدال وسى ەر-ريادتا تاەكۆوندوشىلار سايىسقا تۇسكەن ەدى. جارىس جولىنا قازاقستاننىڭ ەكى سپورتشىسى شىقتى. ولار – جانسەل دەنيز (67 كيلو) بەن سمايىل دۇيسەباي (+80 كيلو). وكىنىشكە قاراي, جەرلەستەرىمىز ءوز جانكۇيەرلەرىن قۋانتا الماي, قالىڭ توپتىڭ اراسىندا قالىپ قويدى.