اۋىر اتلەتيكادان كولۋمبيانىڭ استاناسى – بوگوتا قالاسىندا ءوتىپ جاتقان الەم چەمپيوناتىندا قازاقستان قۇراما كومانداسىنىڭ قورجىنىنا تاعى ءبىر مەدال ءتۇستى.
96 كيلو سالماقتا كۇش سىناسقان نۇرعيسا ادىلەت ۇلى بۇعان دەيىن جاستار اراسىنداعى قۇرلىقتىق دەڭگەيدەگى جارىستاردا دارالانىپ جۇرگەن. وسىدان ەكى جىل بۇرىن ول تاشكەنتتە ۇيىمداستىرىلعان ازيا بىرىنشىلىگىندە باس جۇلدەنى ولجالاعان ەدى. سول باسەكەدە قانداسىمىز باستى باسەكەلەسى وڭتۇستىك كورەيانىڭ وكىلى يونگ حۋننان 36 كيلو ارتىق سالماقتى ەڭسەرىپ, بارشا جانكۇيەردىڭ قوشەمەتىنە بولەندى. بىلتىر نۇرعيسا ەرەسەكتەر دۋىنا العاش رەت قوسىلعانىنا قاراماستان سارى قۇرلىقتىڭ باستى دوداسىندا كۇمىس مەدال يەلەندى. مىنە, ەندى ول الەم چەمپيوناتىنىڭ كۇمىس جۇلدەگەرى اتانىپ وتىر. بوگوتادا قازاق زىلتەمىرشىسى قوسسايىستا 383 (174+209) كيلو سالماقتى كوتەردى. بۇل جارىستىڭ باس جۇلدەسىن باحرەيندىك لەسمان پارەدەس جەڭىپ الدى. ونىڭ كورسەتكىشى – 397 (185+212) كيلو. قولا مەدال كولۋمبيالىق يور مورەنوعا بۇيىردى.
وسى سالماقتا تاعى ءبىر قازاق اۋىر اتلەتى ونەر كورسەتكەن ەدى. بىراق الىشەر سەيىتقازىنىڭ قادامى ءساتتى بولماي, 351 (160+191) كيلولىق ناتيجەمەن ول 11-ورىندى قاناعات تۇتتى.