5 مامىردا استانادا جانە ەلىمىزدىڭ 17 وڭىرىندە اۋا رايىنىڭ قولايسىزدىعىنا بايلانىستى ەسكەرتۋ جاريالاندى. سينوپتيكتەردىڭ مالىمەتىنشە, قازاقستان اۋماعىنىڭ باسىم بولىگىندە جاۋىن-شاشىن كۇتىلەدى, دەپ حابارلايدى Egemen.kz.
استانادا كۇننىڭ ەكىنشى جارتىسىندا ازداعان جاڭبىر مەن نايزاعاي كۇتىلەدى. جەل وڭتۇستىك-باتىستان سوعىپ, كەيىن سولتۇستىك-باتىسقا اۋىسادى, كۇندىز ەكپىنى 15-20 م/س-قا دەيىن جەتەدى.
جەتىسۋ وبلىسىنىڭ وڭتۇستىگى مەن تاۋلى ايماقتارىندا نايزاعاي بولادى. جەل سولتۇستىك-شىعىستان سوعادى, وبلىستىڭ سولتۇستىگى مەن شىعىسىندا ەكپىنى 15-20 م/س-قا دەيىن جەتەدى. وبلىستىڭ باتىسى مەن سولتۇستىگىندە جوعارى ءورت قاۋپى ساقتالادى, وڭتۇستىك-شىعىسى مەن وڭتۇستىگىندە وتە جوعارى ءورت قاۋپى كۇتىلەدى.
اتىراۋ وبلىسىندا تۇندە سولتۇستىك جانە شىعىس بولىكتەرىندە جاڭبىر مەن نايزاعاي بولادى. كۇندىز باتىس, سولتۇستىك جانە وڭتۇستىك ايماقتارىندا جاڭبىر مەن نايزاعاي, ال سولتۇستىك-باتىسىندا كەي جەرلەردە قاتتى جاڭبىر, نايزاعاي, بۇرشاق, داۋىل بولۋى مۇمكىن. تۇندە جانە تاڭەرتەڭ سولتۇستىك پەن شىعىستا تۇمان تۇسەدى. جەل سولتۇستىكتەن, سولتۇستىك-شىعىستان سوعادى, كۇندىز وبلىستىڭ سولتۇستىگى, باتىسى جانە شىعىسىندا ەكپىنى 15-20 م/س بولادى. اتىراۋدا كۇندىز جاڭبىر مەن نايزاعاي كۇتىلەدى.
ماڭعىستاۋ وبلىسىنىڭ باتىسى, سولتۇستىگى جانە ورتالىعىندا جاڭبىر مەن نايزاعاي بولادى. وبلىستىڭ باتىسى مەن ورتالىعىندا تۇمان تۇسەدى. جەل سولتۇستىك-باتىستان وڭتۇستىك-باتىسقا اۋىسادى, كۇندىز باتىس, سولتۇستىك جانە ورتالىقتا ەكپىنى 15-20 م/س بولادى. اقتاۋدا تۇندە جانە تاڭەرتەڭ تۇمان كۇتىلەدى.
الماتى وبلىسىنىڭ وڭتۇستىگى, شىعىسى جانە تاۋلى ايماقتارىندا جاڭبىر مەن نايزاعاي بولادى. سولتۇستىگىندە جوعارى ءورت قاۋپى ساقتالادى.
اقتوبە وبلىسىندا تۇندە جاڭبىر, ورتالىق بولىگىندە كەي جەرلەردە قاتتى جاڭبىر بولادى. كۇندىز باتىس, شىعىس جانە ورتالىقتا جاڭبىر كۇتىلەدى. باتىس پەن ورتالىقتا نايزاعاي, بۇرشاق بولۋى مۇمكىن. جەل سولتۇستىك-شىعىستان سوعادى, كۇندىز وڭتۇستىكتە ەكپىنى 15-18 م/س بولادى.
باتىس قازاقستان وبلىسىنىڭ باتىسى مەن وڭتۇستىگىندە ازداعان جاڭبىر مەن نايزاعاي كۇتىلەدى. جەل سولتۇستىك-شىعىستان سوعادى, كۇندىز وڭتۇستىكتە ەكپىنى 15-20 م/س بولادى.
تۇركىستان وبلىسىنىڭ تاۋلى ايماقتارىندا قىسقا مەرزىمدى جاڭبىر مەن نايزاعاي كۇتىلەدى. جەل وڭتۇستىك-شىعىستان سوعادى, تاۋدا ەكپىنى 15-20 م/س بولادى. سولتۇستىگىندە جوعارى ءورت قاۋپى ساقتالادى.
ۇلىتاۋ وبلىسىنىڭ شىعىسى مەن ورتالىعىندا, سونداي-اق وڭتۇستىگىندە جوعارى ءورت قاۋپى كۇتىلەدى. جەزقازعاندا دا جوعارى ءورت قاۋپى بار.
قاراعاندى وبلىسىنىڭ باتىسى, سولتۇستىگى جانە ورتالىعىندا جوعارى ءورت قاۋپى ساقتالادى. قاراعاندى قالاسىندا دا جوعارى ءورت قاۋپى بار.
جامبىل وبلىسىنىڭ تاۋلى ايماقتارىندا جاڭبىر مەن نايزاعاي بولادى. تۇندە جانە تاڭەرتەڭ تاۋلى جەرلەردە تۇمان كۇتىلەدى. جەل سولتۇستىك-شىعىستان سوعادى, وبلىستىڭ سولتۇستىك-شىعىسى مەن تاۋلارىندا ەكپىنى 15-20 م/س بولادى. ورتالىعى, سولتۇستىگىندە جوعارى ءورت قاۋپى ساقتالادى, باتىسىندا جوعارى ءورت قاۋپى كۇتىلەدى.
قوستاناي وبلىسىنىڭ باتىسى, سولتۇستىگى جانە شىعىسىندا تۇندە جاڭبىر, نايزاعاي, كەي جەرلەردە قاتتى جاڭبىر, بۇرشاق بولادى. كۇندىز سولتۇستىك پەن شىعىستا جاڭبىر, نايزاعاي, بۇرشاق, داۋىل بولۋى مۇمكىن. تۇندە جانە تاڭەرتەڭ تۇمان تۇسەدى. جەل وڭتۇستىك-باتىستان سولتۇستىك-باتىسقا اۋىسادى, وبلىستىڭ باتىسى, سولتۇستىگى جانە شىعىسىندا ەكپىنى 15-20 م/س بولادى. قوستاناي قالاسىندا تۇندە جانە تاڭەرتەڭ جاڭبىر, نايزاعاي كۇتىلەدى.
شىعىس قازاقستان وبلىسىندا جەل باتىستان, سولتۇستىك-باتىستان سوعادى, كەي جەرلەردە تۇندە جانە تاڭەرتەڭ ەكپىنى 15-20 م/س بولادى. تۇندە شىعىسىندا ۇسىك كۇتىلەدى. باتىسى مەن سولتۇستىك-باتىسىندا جوعارى ءورت قاۋپى ساقتالادى.
اباي وبلىسىندا جەل سولتۇستىك-شىعىستان وڭتۇستىك-شىعىسقا اۋىسادى, تۇندە جانە تاڭەرتەڭ كەي جەرلەردە ەكپىنى 15-20 م/س بولادى. تۇندە باتىس جانە ورتالىقتا توپىراق بەتىندە -1°C ۇسىك جۇرەدى. سولتۇستىك-باتىسى, شىعىسى, وڭتۇستىگى جانە ورتالىعىندا جوعارى ءورت قاۋپى ساقتالادى.
اقمولا وبلىسىنىڭ باتىسى, سولتۇستىگى جانە ورتالىعىندا جاڭبىر مەن نايزاعاي بولادى, كۇندىز وڭتۇستىگىندە ازداعان جاڭبىر مەن نايزاعاي كۇتىلەدى. جەل وڭتۇستىك-باتىستان سولتۇستىك-باتىسقا اۋىسادى, وبلىستىڭ باتىسى, سولتۇستىگى جانە شىعىسىندا ەكپىنى 15-20 م/س. وڭتۇستىك-شىعىسىندا جوعارى ءورت قاۋپى ساقتالادى. كوكشەتاۋدا دا جەل ەكپىنى 15-20 م/س بولادى.
سولتۇستىك قازاقستان وبلىسىندا تۇندە جاڭبىر, نايزاعاي, كۇندىز باتىس, سولتۇستىك جانە شىعىسىندا جاڭبىر, نايزاعاي, بۇرشاق, داۋىل بولۋى مۇمكىن. تۇندە جانە تاڭەرتەڭ وڭتۇستىگىندە تۇمان بولادى. جەل وڭتۇستىك-باتىستان سوعادى, تۇندە وڭتۇستىك پەن شىعىستا ەكپىنى 15-20 م/س, كۇندىز 15-20 م/س, كەيدە 25 م/س-قا دەيىن جەتەدى. باتىسىندا جوعارى ءورت قاۋپى ساقتالادى. پەتروپاۆلدا جاڭبىر, نايزاعاي, كۇندىز بۇرشاق, داۋىل كۇتىلەدى.
پاۆلودار وبلىسىنىڭ سولتۇستىگىندە كۇندىز جاڭبىر مەن نايزاعاي بولادى. جەل وڭتۇستىك-باتىستان سوعادى, سولتۇستىگىندە ەكپىنى 15-20 م/س بولادى. سولتۇستىگى, باتىسى جانە شىعىسىندا جوعارى ءورت قاۋپى ساقتالادى.
قىزىلوردا وبلىسىنىڭ شىعىسى, وڭتۇستىگى جانە ورتالىعىندا جوعارى ءورت قاۋپى ساقتالادى. قىزىلوردا قالاسىندا دا جوعارى ءورت قاۋپى بار.
نۇربولات امانبەك