ەڭبەك جانە حالىقتى الەۋمەتتىك قورعاۋ مينيسترلىگى ەلگە قانداي ماماندار قاجەت ەكەنىن ايتتى, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتى توراعاسىنىڭ مىندەتىن اتقارۋشى ءىلياس سپانوۆتىڭ ايتۋىنشا, ءبىرىنشى كەزەكتە قازاقستاندا ينجەنەرلەر جەتىسپەيدى.
«كوبىنەسە بىزگە ونەركاسىپ ونىمدەرىن وڭدەيتىن جوعارى دالدىكتەگى ماماندار – ينجەنەرلەر قاجەت. سونداي-اق مەديتسينا سالاسىنىڭ ماماندارى, ونەركاسىپتە جاڭا تەحنولوگيالاردى قولدانۋ ءۇشىن ۇجىمدى وقىتاتىن مۇعالىمدەر, سونىمەن قاتار ونەركاسىپ ماماندارى قاجەت», دەدى ءىلياس سپانوۆ.
بۇگىندە ەلىمىزدە رەسەيلىك ماماندار جۇمىس ىستەيدى. ەاەو كەلىسىمىنە سايكەس, 2015 جىلدان باستاپ ەەو-نىڭ ءتورت مەملەكەتىنىڭ تۇرعىندارى ەلىمىزگە ارنايى رۇقساتسىز كەلىپ جۇمىس ىستەي الادى.