جولاۋشىلار تاسىمالىنا دەگەن سۇرانىستىڭ ارتۋىنا بايلانىستى «جولاۋشىلار تاسىمالى» اق 2014 جىلدىڭ 6 ماۋسىمى مەن 26 شىلدەسى ارالىعىندا №61/62 «الماتى-2-ارىس» باعىتىنداعى جۇردەك جولاۋشىلار پويىزىن جۇرگىزبەك.
اتالمىش پويىز اپتاسىنا ءبىر رەت, جۇما كۇندەرى الماتى-2 ستانساسىنان ارىسقا, سەنبى كۇندەرى ارىستان الماتى-2 ستانساسىنان قاتىنايدى.
جولاۋشىلار پويىزدارىنىڭ قوزعالىس كەستەسىندەگى وزگەرىستەر, قوسىمشا ۆاگونداردىڭ, قۇرامدار مەن جاڭا باعىتتاردىڭ ەنگىزىلۋى, ستانسالارعا كەلۋ جانە اتتانۋ جايلى بارلىق اقپاراتتى www.temirzholy.kz سايتىنان, تەمىرجول كاسسالارى مەن ۆوكزالداردىڭ اقپاراتتىق قىزمەتتەرىنەن الۋعا بولادى.
«ەگەمەن-اقپارات».