سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا دەپۋتاتتار ازاماتتىق قورعانىس جانە توتەنشە جاعدايدى جويۋداعى ىنتىماقتاستىق تۋرالى زاڭ جوبالارىن تالقىلادى, دەپ حابارلايدى Egemen.kz.
«قازاقستان رەسپۋبليكاسىنىڭ ۇكىمەتى مەن وزبەكستان رەسپۋبليكاسىنىڭ ۇكىمەتى اراسىنداعى توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» جانە «قازاقستان رەسپۋبليكاسىنىڭ ۇكiمەتi مەن تۇرىكمەنستاننىڭ ۇكiمەتi اراسىنداعى ازاماتتىق قورعانىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭداردىڭ جوبالارى تاراپتاردىڭ توتەنشە جاعدايدىڭ الدىن الۋ جانە ولاردى جويۋداعى ءوزارا ءىس-قيمىلىن كۇشەيتۋگە باعىتتالعان.
زاڭ جوبالارى توتەنشە جاعدايلارعا مونيتورينگ جاساۋ جانە بولجاۋ تۋرالى دەرەكتەر الماسۋدى, سونداي-اق قۇزىرەتتى ورگانداردىڭ ءوزارا ءىس-قيمىلىن ۇيىمداستىرۋدى قامتاماسىز ەتۋگە مۇمكىندىك بەرەدى. قۇجاتتار سونىمەن قاتار ازاماتتىق قورعانىس جانە مامانداردى وقىتۋ سالاسىنداعى ىنتىماقتاستىقتى ۇدەتە ءتۇسۋدى كوزدەيدى.
«كوميتەتتىڭ كەڭەيتىلگەن وتىرىسىنىڭ قورىتىندىسى بويىنشا وسى زاڭ جوبالارىن پالاتانىڭ قاراۋىنا جىبەرۋ تۋرالى شەشىم قابىلداندى», دەپ جازىلعان سەناتتىڭ ءباسپاسوز قىزمەتى تاراتقان حابارلامادا.