قازاقستاننىڭ ىستانبۇلداعى باس كونسۋلدىعى تۇرىك ساراپشىلارى, جۋرناليستەر مەن بيزنەس وكىلدەرى ءۇشىن دوڭگەلەك ۇستەل وتكىزدى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
جيىندا ءسوز سويلەگەن باس كونسۋل ءالىم بايەل قازاقستاندا جۇزەگە اسىرىلىپ جاتقان رەفورمالار مەن پرەزيدەنتتىك سايلاۋدىڭ قورىتىندىلارى تۋرالى اقپارات بەردى. ديپلومات ەلىمىزدىڭ ىشكى جانە سىرتقى ساياساتىنىڭ نەگىزگى پرينتسيپتەرى مەن ماقساتتارى تۋرالى ايتىپ بەرگەن, سونداي-اق قازاقستان-تۇركيا ىنتىماقتاستىعىنداعى سوڭعى جاعدايعا ەرەكشە توقتالدى.
بيىل وتكەن پرەزيدەنت قاسىم-جومارت توقاەۆتىڭ تۇركياعا ساپارى مەن پرەزيدەنت رەدجەپ تايپ ەردوعاننىڭ قازاقستانعا ساپارى, تۇركى مەملەكەتتەرى ۇيىمى مەن اوسشك سامميتتەرى سياقتى ءىس-شارالار مەملەكەتتەرىمىز اراسىنداعى ەكىجاقتى جانە كوپجاقتى ىقپالداستىققا ۇلكەن سەرپىن بەرىپ وتىر.
قاتىسۋشىلارعا, سونداي-اق, قازاقستانداعى ينۆەستيتسيالىق جانە بيزنەس مۇمكىندىكتەر تۋرالى اقپارات بەرىلدى. سوڭعى كەزەڭدەگى رەكوردتىق ديناميكانىڭ ناتيجەسىندە تۇركيا قازاقستاننىڭ باستى ساۋدا جانە ينۆەستيتسيالىق سەرىكتەستەرىنىڭ بىرىنە اينالىپ وتىر. ءا. بايەلدىڭ ايتۋىنشا, قازاقستان اسىرەسە تۇرىك ينۆەستورلارىنىڭ ەلىمىزدەگى وڭدەۋشى سەكتورلارعا قىزىعۋشىلىق تانىتاتىنىن جوعارى باعالايدى. سونىمەن قاتار ەلدەرىمىز كاسپي ارقىلى وتەتىن ترانزيتتىك ءدالىز سياقتى بالاما باعدارلاردى بىرلەسىپ دامىتۋ ارقىلى ەۋرازيانىڭ جاڭا كولىك-لوگيستيكالىق جەلىسىن قالىپتاستىرۋدا.